shattriansh (36) adhyay: shaly parv (gada parv)
mahabharat: shaly parv: shattriansh adhyay: shlok 1-19 ka hindi anuvad
vaishampayan ji ne kaha- rajan! pahale yug mean tin sahodar bhaee rahate the. ve tinoan hi muni the. unake nam the ekat, dvit aur trit. ve sabhi maharshi soory ke saman tejasvi, prajapati ke saman santanavan aur brahmavadi the. unhoanne tapasya dvara brahmalok par vijay prapt ki thi. unaki tapasya, niyam aur indriyanigrah se unake dharm parayan pita gautam sada hi prasann raha karate the. un putroan ki tyag tapasya se santusht rahate hue ve poojaniy mahatma gautam dirghakal ke pashchat apane anuroop sthan (svarg lok) mean chale gaye. rajan! un mahatma gautam ke yajaman jo raja log the, ve sab unake svargavasi ho jane par unake putroan ka hi adar-satkar karane lage. nareshvar! un tinoan mean bhi apane shubh karm aur svadhyay ke dvara maharshi trit ne sarvashreshth sthan prapt kiya. jaise unake pita sammanit the, vaise hi ve bhi ho gaye. mahan saubhagyashali aur punyatma sabhi maharshi bhi mahabhag trit ka unake pita ke tuly hi samman karate the. rajan! ek din ki bat hai, unake donoan bhaee ekat aur dvit yajn aur dhan ke liye chinta karane lage. shatruoan ko santap dene vale naresh! unake man mean yah vichar utpann hua ki ham log trit ko sath lekar yajamanoan ka yajn karavean aur dakshina ke roop mean bahut se pashu prapt karake mahan phaladayak yajn ka anushthan karean aur usi mean prasannatapoorvak somaras ka pan karean. rajan! aisa vichar karake un tinoan bhaiyoan ne vahi kiya. ve sabhi yajamanoan ke yahaan pashuoan ki prapti ke uddeshy se gaye aur unase vidhipoorvak yajn karava kar us yajy karm ke dvara unhoanne bahutere pashu prapt kar liye. tatpashchat ve mahatma maharshi poorv disha ki or chal diye. maharaj! unamean trit muni to prasannatapoorvak age-age chalate the aur ekat tatha dvit pichhe rahakar pashuoan ko haankate jate the. |
tika tippani aur sandarbh
sanbandhit lekh
varnamala kramanusar lekh khoj