महाभारत शल्य पर्व अध्याय 49 श्लोक 1-24

ekonapanchash (49) adhyay: shaly parv (gada parv)

Prev.png

mahabharat: shaly parv: ekonapanchash adhyay: shlok 1-24 ka hindi anuvad


indr tirth, ram tirth, yamuna tirth aur adity tirth ki mahima


vaishampayan ji kahate haian- rajan! vahaan se indr tirth mean jakar snan karake yadukulatilak balaram ji ne brahmanoan ko vidhipoorvak dhan aur ratnoan ka dan kiya. us tirth mean deveshvar devaraj indr ne sau yajnoan ka anushthan kiya tha aur brihaspati ji ko prachur dhan diya tha. nana prakar ki dakshinaoan se yukt evan pusht un sabhi shastrokt yajnoan ko indr ne vedoan ke parangat vidvan brahmanoan ke sath bina kisi vighn-badha ke vahaan poorn kar liya. bharatashreshth! mahatejasvi indr ne un yajnoan ko sau bar vidhipoorvak poorn kiya, isaliye indr shatakratu nam se vikhyat ho gaye. unhian ke nam se vah sarvapapapahari, kalyanakari evan sanatan puny tirth ‘indratirth, kahalane laga.

musaladhari balaram ji vahaan bhi vidhipoorvak snan tatha uttam bhojan-vastr dvara brahmanoan ka poojan karake vahaan se shubh tirthapravar ramatirth mean chale gaye. jahaan mahatapasvi bhriguvanshi mahabhag parashuram ji ne baranbar kshatriy nareshoan ka sanhar karake is prithvi ko jitane ke pashchat munishreshth kashyap ko achary roop se age rakhakar vajapey tatha ek sau ashvamedh yajn dvara bhagavan ka poojan kiya aur dakshina roop mean samudroan sahit yah sari prithvi de di. nana prakar ke ratn, gau, hathi, das, dasi aur bhe d bakaroan sahit anek prakar ke dan dekar ve van mean chale gaye.

prithvinath! devataoan aur brahmarshiyoan se sevit us uttam punyamay tirth mean muniyoan ko pranam karake balaram ji yamuna tirth mean aye, jahaan aditi ke mahabhag putr gaurakanti varun ji ne rajasooy yajn ka anushthan kiya tha. shatruviroan ka sanhar karane vale varun ne sangram mean manushyoan aur devataoan ko jit kar us shreshth yajn ka ayojan kiya tha. rajan! vah shreshth yajn samapt hone par devataoan aur danavoan mean ghor sangram hua tha, jo tinoan lokoan ke liye bhayankar tha. janamejay! kratushreshth rajasooy ka anushthan poorn ho jane par us desh ke kshatriyoan mean mahabhayankar sangram hua karata hai. sabaki ichchha poorn karane vale bhagavan haladhar ne us tirth mean bhi snan evan rrishiyoan ka poojan karake any yachakoan ko bhi dhan dan kiya.

tadanantar maharshiyoan ke mukh se apani stuti sunakar prasann hue vanamaladhari kamalanayan balaram vahaan se adity tirth mean gaye. nripashreshth! vahian yajn karake jyotirmay bhagavan bhaskar ne jyotiyoan ka adhipaty evan prabhutv prapt kiya tha. prajanath! usi nadi ke tat par indr adi sampoorn devata, vishvedev, marudran, gandharv, apsaraean, dvaipayan vyas, shukadev, madhusoodan shrikrishn, yaksh, rakshas evan pishach- ye tatha aur bhi bahut se purush sahasroan ki sankhya mean yog siddh ho gaye haian. shatruoan ko santap dene vale bharatashreshth! sarasvati ke us param uttam kalyanakari punyatirth mean pahale madhu aur kaitabh namak asuroan ka vadh karake bhagavan vishnu ne snan kiya tha. bharat! isi prakar dharmatma dvaipayan vyas ne bhi usi tirth mean gota lagaya tha. isase unhoanne param yog ko pakar uttam siddhi prapt kar li. mahatapasvi asit, deval rrishi ne usi tirth mean param yog ka ashray le yog siddhi payi thi.

is prakar shrimahabharat shaly parv ke antargat gada parv mean baladevaji ki tirth yatra ke prasang mean sarasvatopakhyan vishayak unachasavaan adhyay poora hua.

Next.png

tika tippani aur sandarbh

sanbandhit lekh

varnamala kramanusar lekh khoj

   a    a    i    ee    u    oo    e    ai    o    au    aan    k    kh    g    gh    n    ch    chh    j    jh    n    t    th    d    dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    jn    rri    rri    aau    shr    aah