chaturashititam (84) adhyay: shanti parv (rajadharmanushasan parv)
mahabharat: shanti parv: chaturashititam adhyay: shlok 1-11 ka hindi anuvad
brihaspati ji ne kaha-indr! jisaka nam ek hi pad ka hai, vah ekamatr vastu hai santvana (madhur vachan bolana). usaka bhalibhaanti acharan karane vala purush samast praniyoan ka priy hokar mahan yash prapt kar leta hai. shakr! yahi ek vastu sampoorn jagath ke liye sukhadayak hai. isako acharan mean lane vala manushy sada samast praniyoan ka priy hota hai. jo manushy sada bhauanhean tedhi kiye rahata hai, kisi se kuchh batachit nahian karata, vah shantabhav (mridubhashi hone ke gun) ko n apanane ke karan sab logoan ke dvesh ka patr ho jata hai. jo sabhi ko dekhakar pahale hi bat karata hai aur sabase muskara kar hi bolata hai, us par sab log prasann rahate haian. jaise bina vyanjan (sag - dal adi) ka bhojan manushyoan ko santusht nahian kar sakata, usi prakar madhur vachan bole bina diya hua dan bhi praniyoan ko prasann nahian kar pata hai. shakr! madhur vachan bolane vala manushy logoan ki koee vastu lekar bhi apani madhur vani dvara is sampoorn jagat ko vash mean kar leta hai. atah kisi ko dand dene ki ichchha rakhane vale raja ko usase santvanapoorn madhur vachan hi bolana chahiye. aisa karake vah apana prayojan to siddh kar leta hai aur usase koee manushy udvigr bhi nahian hota hai. yadi achchhi tarah se santvanapoorn, madhur evan snehayukt vachan bola jay aur sada sab prakar se usi ka sevan kiya jay to usake saman vashikaran ka sadhan is jagat mean niahsandeh doosara koee nahian hai. bhishm ji kahate haian- kurunandan! apane purohit brihaspati ke aisa kahane par indr ne sab kuchh usi tarah kiya. isi prakar tum bhi is santvanapoorn vachan ko bhalibhaanti acharan mean lao.
is prakar shrimahabharat shantiparvan ke antargat rajadharmaannushasanaparvan mean indr aur brihaspati ka sanvadavishayak chaurasivaan adhyay poora hua.
|
tika tippani aur sandarbh
sanbandhit lekh
varnamala kramanusar lekh khoj