pratham (1) adhhyay: adi parv (anukramanika parv)
mahabharat: adi parv: pratham adhyay: shlok 246-263 ka hindi anuvad
jab sushupti avastha mean sab indriyaan aur manovrittiyaan lin ho jati haian, tab bhi yah kal jagata rahata hai. kal ki gati ka koee ullanghan nahian kar sakata vah sampoorn praniyoan mean saman roop se berok-tok apani kriya karata rahata hai. is srishti mean jitane padarth ho chuke, bhavishy mean hoange aur is samay vartaman mean haian, ve sab kal ki rachana haian; aisa samajhakar apako apane vivek ka parityag nahian karana chahiye. ugrashrava ji kahate haian- sootavanshi sanjay ne yah sab kahakar putr shok se vyakul narapati dhritarashtr ko samajhaya-bujhaya aur unhean svasth kiya. isi itihas ke adhar par shrikrishn dvaipayan ne is paramapunyamayi upanishad roop mahabharat ka (shokatur praniyoan ka shok nash karane ke liye) niroopan kiya. vidvajjan lok mean aur shreshthatam kavi puranoan mean sada se isi ka varnan karate aye haian. mahabharat ka adhyayan antahkaran ko shuddh karane vala hai. jo koee shraddha ke sath isake kisi ek shlok ke ek pad ka bhi adhyayan karata hai, usake sab pap sampoorn roop se mit jate haian. is granth ratn mean shubh karm karane vale devata, devarshi, nirmal brahmarshi, yaksh aur mahanagoan ka varnan kiya gaya hai. is granth ke mukhy vishay haian svayan sanatan parabrahmasvaroop vasudev bhagavan shrikrishn. unhian ka isamean sankirtan kiya gaya hai. ve hi saty, rrit, pavitr evan puny haian. ve hi shashvat parabrahm haian aur ve hi avinashi sanatan jyoti haian. manishi purush unhian ki divy lilaoan sankirtan kiya karate haian. unhian se asat, sat tatha sadasat-ubhayaroop sampoorn vishv utpann hota hai. unhian se santati (praja), pravritti (kartavy karm), janm-mrityu tatha purnajanm hote haian. is mahabharat mean jivatma ka svaroop bhi batalaya gaya hai evan jo saty raj-tam in tinoan gunoan ke karyaroop paanch mahabhoot haian, unaka tatha jo avyakt prakriti adi ke mool karan paramabrahm paramatma haian, unaka bhi bhali-bhaanti niroopan kiya gaya hai. jo is anukramanika adhyay ka kuchh aansh bhi pratah, saany athava madhyahn mean japata hai, vah din athava ratri ke samay sanchit sampoorn paparashi se tatkal mukt ho jata hai. |
tika tippani aur sandarbh
sanbandhit lekh
varnamala kramanusar lekh khoj