|
mahabharat: shanti parv: saptashashhtayadhikashatatam adhyay: shlok 34-44 ka hindi anuvad
sabhi prani kamana rakhate haian. usase bhinn kamana-rahit prani kahian hai, n kabhi tha aur n bhavishhy mean hoga hi; at: yah kam hi trivarg ka sar hai. maharaj! dharm aur arth bhi isi mean sthit haian. jaise dahi ka sar makhan hai, usi prakar dharm aur arth ka sar kam hai. jaise khali se shreshth tel hai, takr se shreshth ghi hai aur vriksh ke kashth se shreshth usaka phool aur phal hai, usi prakar dharm aur arth donoan se shreshth kam hai. jaise phool se usaka madhu-tulhy ras shreshth hai, usi prakar dharm aur arth se kam shreshth mana gaya hai. kam dharm aur arth ka karan hai, at: vah dharm aur arth roop hai. bina kisi kamana ke brahman achchhe ann ka bhi bhojan nahian karate aur bina kamana ke koee brahmanoan ko dhan ka dan nahian karate haian. jagat ke praniyoan ko jo nana prakar ki cheshta hoti hai vah bina kamana ke nahian hoti; at: trivarg mean kam ka hi pratham evan pradhan sthan dekha gaya hai. at: rajan! ap kam ka avalamban karake sundar veshavali, abhooshanoan se vibhooshit tatha dekhane mean manohar evan madamatt yuvatiyoan ke sath vihar kijiye. ham logoan ko is jagat mean kam ko hi shreshth manana chahiye. dharmaputr! maianne gaharaee mean baithakar aisa nishhchay kiya hai. mere is kathan mean apako koee anyatha vichar nahian karana chahiye. mera yah vachan uthtam, komal, shreshth, tuchchhatarahit evan sarabhoot hai; at: shreshth purush bhi ise svikar kar sakate haian. mere vichar se dharm, arth aur kam tinoan ka ek sath hi sevan karana chahiye. jo inamean se ek ka hi bhakht hai, vah manushhy adham hai, jo do ke sevan mean nipun hai, use madhhyam shreni ka bataya gaya hai aur jo trivarg mean saman roop se anurakht hai, vah manushhy uthtam hai. buddhiman, suhrid, chandanasar se charchit tatha vichitr malaoan aur abhooshanoan se vibhooshit bhimasen un vir bandhuoan se sankshep aur vistarapoorvak poorvokht vachan kahakar chup ho gaye.
jinhoanne mahatmaoan ke mukh se dharm ka upadesh suna hai, un dharmatmaoan mean shreshth dharmaraj yudhishthir ne do ghadi़ tak poorv vkhtaoan ke vachanoan par bhali-bhaanti vichar karake muskarate hue yah yatharth bat kahi. yudhishthir bole- bandhuoan! isamean sandeh nahian ki ap log dharmashastroan ke siddhantoan par vichar karake ek nishhchay par pahuanch chuke haian. ap logoan ko pramanoan ka bhi jnan prapht hai. maian sabake vichar janana chahata tha, isaliye mere samane yahaan ap logoan ne jo apana-apana nishchit siddhant bataya hai, vah sab maianne dhhyan se suna hai. ab ap, maian jo kuchh kah raha hooan, meri us bat ko bhi ananyachitt hokar avashhy suniye. jo n pap mean laga ho aur n punhy mean, n to arthoparjan mean tatpar ho n dharm mean, n kam mean hi. vah sab prakar ke doshoan se rahit manushhy du:kh aur sukh ko dene vali siddhiyoan se sada ke liye mukht ho jata hai, us samay mitti ke dhele aur sone mean usaka saman bhav ho jata hai.
|
|