shannavatitam (96) adhyay :anushasanaparv (danadharm parv)
mahabharat: anushasan parv: shannavatitam adhyay: bhag-8 ka hindi anuvad
jis dehadhari ke pap kshin nahian hue haian, use jnan nahian hota. jab manushy ko jnan ki prapti ho jati hai, tab vah kritakrity ho jata hai. jnan ya vijnan ko prapt kar lene par bhi doshadrishti se rahit ho gurujanoan ke prati pahale jaisa hi sadbhav rakhe athava ekagrachitt hokar pahale se bhi adhik shraddhabhav rakhe. shishy jis tarah guru ka apaman karata hai, usi prakar guru bhi shishhyoan ke prati bartav karata hai. arthat shishy ko apane karm ke anusar phal milata hai. guru ka apaman karane vale shishy ka kiya hua vedashastroan ka adhyayan vyarth ho jata hai. usaka sara jnan ajnanaroop mean parinit ho jata hai. vah narak mean jane ke liye ashubh marg ko hi prapt hota hai, isamean sanshay nahian hai. usaka puny nasht ho jata hai aur jnan ajnan ho jata hai. jisane pahale kabhi kalyan ka darshan nahian kiya hai, aisa manushy shastrokt vidhi ko n dekhane ke karan abhimanavash moh ko prapt ho jata hai. atah use tattvajnan ki prapti nahian hoti. at: kisi ko bhi jnan ka abhiman nahian karana chahiye. jnan ka phal hai shaanti, isaliye sada shaanti ke liye hi prayatn kare. man ka nigrah aur indriyoan ka sanyam karake sada kshamashil tatha adoshadarshi hokar gurujanoan ki seva karani chahiye. dhairy ke dvara upasth aur udar ki raksha kare. netroan ke dvara hath or pairoan ki raksha kare. man se indriyoan ke vishayoan ka bachav aur man ko buddhi mean sthapit kare. pahale shuddh aur ghire hue sthanoan mean jakar asan le, usake oopar dhairyapoorvak baithe aur shastrokt vidhi ke anusar dhyan ke liye prayatn kare. vivekayukt sadhak apane hriday mean virajaman paramatmadev ka sakshatkar kare. jaise akash mean vidyut ka prakash dekha jata hai tatha jis prakar kiranoan vale soory prakashit hote haian, usi prakar us paramatm dev ko dhoomarahit agni ki bhaanti tejasvi svaroop se prakashit dekhe. hriday desh mean virajaman un avinashi sanatan parameshvar ka buddhiroopi netroan ke dvara darshan kare. jo yogayukt nahian hai, aisa purush apane hriday mean virajaman us maheshvar ka sakshatkar nahian kar sakata. yogayukt purush hi man ko hriday mean sthapit karake buddhi ke dvara us anhtaryami paramatma ka darshan karata hai. |
tika tippani aur sandarbh
sanbandhit lekh
varnamala kramanusar lekh khoj