saptasaptatitam (77) adhhyay: anushasan parv (danadharm parv)
mahabharat: anushasan parv: saptasaptatitam adhyay: shlok 19-35 ka hindi anuvad
bharatanandan! aisa kahakar prajapati ne mahadev ji ko bahut-si gauean aur ek bail bheant kiye tatha isi upay ke dvara unake man ko prasann kiya. mahadev ji prasann hue. unhoanne vrishabh ko apana vahan banaya aur usi ki akriti se apani dhvaja ko chihnit kiya, isaliye ve ‘vrishabhadhvaj' kahalaye. tadanantar devataoan ne mahadev ji ko pashuoan ka adhipati bana diya aur gauoan ke bich mean un maheshhvar ka nam ‘vrishabhaank' rakh diya. is prakar kapila gauaian atyant tejasvini aur shant varn vali haian. isi se dan mean unhean sab gauoan se pratham sthan diya gaya hai. gauean sansar ki sarvashreshth vastu haian. ye jagat ko jivan dene ke kary mean pravrit haian. bhagavan shankar sada unake sath rahate haian. ve chandrama se nikale hue amrit se utpann huee haian tatha shant, pavitr, samast kamanaoan ko poorn karane vali aur jagat ko pranadan dene vali haian; atah godan karane vala manushy sampoorn kamanaoan ka data mana gaya hai. gauoan ki utpatti se sambandh rakhane vali is uttam katha ka sada path karane vala manushy apavitr ho to bhi mangalapriy ho jata hai aur kaliyug ke sare doshoan se chhoot jata hai. itana hi nahian, use putr, lakshmi, dhan tatha pashu adi ki sada prapti hoti hai. rajan! godan karane vale ko havy, kavy, tarpan aur shanti karm ka phal tatha vahan, vastr evan balakoan aur vriddhoan ko santosh prapt hota hai. is prakar ye sab godan ke gun haian. data in sabako sada pata hi hai. vaishampayan ji ji kahate haian- rajan! pitamah bhishm ki ye batean sunakar ajamidhavanshi raja yudhishthir aur unake bhaeeyoan ne shreshth brahmanoan ko sone ke saman rang vale bailoan aur uttam gauoan ka dan kiya. isi prakar yajnoan ki dakshina ke liye, puny lokoan par vijay pane ke liye tatha sansar mean apani uttam kirti ka vistar karake ke liye raja ne unhian brahmanoan ko saik doan aur hazaroan gauaian dan kian.
is prakar shrimahabharat anushasan parv ke anhtargat danadharm parv mean gauoan ki utpatti ka varnan vishayak satahattaravaan adhhyay poora hua.
|
tika tippani aur sandarbh
sanbandhit lekh
varnamala kramanusar lekh khoj