saptam (7) adhyay: ashramavasik parv (ashramavas parv)
mahabharat: ashramavasik parv: saptam adhyay: shlok 16-23 ka hindi anuvad
maharaj! is jagat mean sabhi upayoan dvara sharir ki raksha karani chahiye aur usake dvara ihalok tatha paralok mean bhi apane kalyan ka uttam sadhan karana uchit hai. maharaj! jo raja in sab batoan ka vichar karake inake anusar thik-thik acharan aur praja ka dharmapoorvak palan karata hai, vah mrityu ke pashchat svargalok mean jata hai. tat! kurushreshth! is prakar tumhean ihalok aur paralok mean sukh pane ke liye sada hi prajavarg ke hit-sadhan mean sanlagn rahana chahiye. nripashreshth! bhishm ji, bhagavan shrikrishn tatha vidur ne tumhean sabhi batoan ka upadesh kar diya hai. mera bhi tumhare oopar prem hai, isiliye maianne bhi tumhean kuchh batana avashyak samajha hai. yajn mean prachur dakshina dene vale maharaj! in sab batoan ka yathochit roop se palan karana. isase tum praja ke priy banoge aur svarg mean sukh paoge. jo raja ek hazar ashvamedh yajnoan ka anushthan karata hai athava doosara jo naresh dharmapoorvak praja ka palan karata hai, un donoan ko saman phal prapt hota hai.
is prakar shrimahabharat ashramavasik parv ke antargat ashramavas parv mean dhritarashtr ka upasanvad vishayak satavaan adhyay poora hua.
|
tika tippani aur sandarbh
sanbandhit lekh
|