dvayashititam (82) adhhyay: van parv (tirthayatra parv)
mahabharat: van parv: dvayashititam adhyay: shlok 64-87 ka hindi anuvad
yudhishthir! vahaan shankukarneshvar shiv ki pooja karane se manishi purush ashvamedh se das gune punyaphal ki prapti batate haian. bharatavanshavantas kurushreshth! unaki parikrama karake tribhuvan-vikhyat ‘dami’ namak tirth mean jaye, jo sab papoan ka nash karane vala hai. vahaan brahma adi devata bhagavanh maheshvar ki upasana karate haian. vahaan snan, jalapan aur devataoan se ghire hue rudradev ka darshan poojan karane se snanakarta purush ke janm se lekar vartaman samay tak ke sare pap nasht ho jate haian. narashreshth! bhagavanh dami ka sabhi devata stavan karate haian. purushasianh! vahaan snan karane se ashvamedh yajn ke phal ki prapti hoti hai. mahaprajn naresh! sarvashaktimanh bhagavanh vishnu ne pahale daityoan-danavoan ka vadh karake isi tirth mean jakar (lokasangrah ke liye) shuddhi ki thi. dharmajn! vahaan se vasudharatirth mean jaye, jo sabake dvara prashansit hai. vahaan jane matr se ashvamedh yajn ka phal milata hai. kurushreshth! vahaan snan karake shuddh aur samahit chitt hokar devataoan aur pitaroan ka tarpan karane se manushy vishnulok mean pratishthit hota hai. bharatashreshth! us tirth mean vasuoan ka pavitr sarovar hai. usamean snan aur jalapan karane se manushy vasu devataoan ka priy hota hai. narashreshth! vahian sindhoottam nam se prasiddh tirth hai, jo sab papoan ka nash karane vala hai. usamean snan karane se prachur svarn rashi ki prapti hoti hai. bhadratuangatirth mean jakar pavitr evan sushil purush brahmalok mean jata aur vahaan uttam gati pata hai. shakrakumarika tirth siddh purushoan dvara sevit hai. vahaan snan karake manushy shighr hi svargalok prapt kar leta hai. vahian siddhasevit renuka tirth hai, jisamean snan karake brahman chandrama ke saman nirmal hota hai. tadanantar shauch-santosh adi niyamoan ka palan aur niyamit bhojan karate hue panchanad tirth mean jakar manushy panch mahayajnoan ka phal pata hai jo shastroan mean kramashah batalaye gaye haian. rajendr! vahaan se bhima ke uttam sthan ki yatra kare! bharatashreshth! vahaan yonitirth me snan karake manushy devi ka putr hota hai. usaki aangakanti tapaye hue suvarnakundal ke saman hoti hai. rajanh! us tirth ke sevan se manushy ko sahasr godan ka phal milata hai. tribhuvanavikhyat shrikund mean jakar brahma ji ko namaskar karane se sahasr godan ka phal prapt hota hai. dharmajn! vahaan se param uttam vimalatirth ki yatra kare, jahaan aj bhi sone aur chaandi ke rang ki machhaliyaan dikhayi deti haian. |
tika tippani aur sandarbh
sanbandhit lekh
varnamala kramanusar lekh khoj