trisaptatitam (73) adhhyay: anushasan parv (danadharm parv)
mahabharat: anushasan parv: trisaptatitam adhyay: shlok 18-30 ka hindi anuvad
shachipate shakr! brahman ke prati kabhi kuvachy nahian bolana chahiye aur gauoan ke prati kabhi man se bhi droh ka bhav nahian rakhana chahiye. jo brahman gauoan ke saman vritti se rahata hai aur gauoan ke liye ghas adi ki vyavastha karata hai, sath hi saty aur dharm mean tatpar rahata hai, use prapt hone vale phal ka varnan suno. vah yadi ek gau ka bhi dan kare to use ek hazar godan ke saman phal milata hai. yadi kshatriy bhi in gunoan se yukt hota hai to use bhi brahman ke saman hi (godan ka) phal milata hai. is bat ko achchhi tarah sun lo. usaki (dan di huee) gau bhi brahman ki gau ke tuly hi phal dene vali hoti hai. yah dharmatmaoan ka nishhchay hai. yadi vaishy mean bhi upayukt gun hoan to use bhi ek godan karane par brahman ki apeksha (adhe bhag) paanch sau gauoan ke dan ka phal milata hai aur vinayashil shoodr ko brahman ke chauthaee bhag arthat dhaee so gauoan ke dan ka phal prapt hota hai. jo purush sada savadhan rahakar is upayukt dharm ka palan karata hai tatha jo satyavadi, guruseva-parayan, daksh, kshamashil, devabhakt, shantachitt, pavitr, jnanavan, dharmatma aur ahankar shoony hota hai, vah yadi poorvokt vidhi se brahman ko doodh dene vali gay ka dan kare to use mahan phal ki prapti hoti hai. indr! jo sada ek samay bhojan karake nity godan karata hai, saty mean sthit hota hai, guru ki seva aur vedoan ka svadhyay karata hai, jisake man mean gauoan ke prati bhakti hai, jo gauoan ka dan dekar prasann hota hai tatha janm se hi gauoan ko pranam karata hai, usako milane vale is phal ka varnan suno. rajasooy yajn ka anushthan karane se jis phal ki prapti hoti hai tatha bahut-se suvarn ki dakshina dekar yajn karane se jo phal milata hai, uparyukt manushy bhi usake saman hi uttam phal ka bhagi hota hai. yah sabhi siddh-sant-mahatma evan rrishiyoan ka kathan hai. jo gauseva ka vrat lekar pratidin bhojan se pahale gauoan ko gau gras arpan karata hai tatha shant evan nirlobh hokar sada saty ka palan karata rahata hai, vah satyashil purush prativarsh ek sahasr godan karane ke puny ka bhagi hota hai. |
tika tippani aur sandarbh
sanbandhit lekh
varnamala kramanusar lekh khoj