dvayashithyadhikadvishatatam (282) adhyay: shanti parv (mokshadharm parv)
mahabharat: shanti parv: dvayashithyadhikadvishatatam adhyay shlok 36-52 ka hindi anuvad
maharaj! isake bad pitamah vriksh, trin aur aushadhiyoan ko bulakar unase bhi vahi bat kahane lage. brahmaji bole- britrasur ke vadh se yah mahabhayankar brahmahathya prakat hokar inhdr ke pichhe lagi hai. tum log usaka ek chauthaee bhag shvayan grahan kar lo. rajanh! brahmaji ne jab usi prakar sab batean thik-thik samane rakh dian, tab agni ke hi saman vriksh, trin aur aushadhiyoan ka samuday bhi vhyathit ho utha aur un sabane brahmaji se is prakar kaha - 'lokapitamah! hamari is brahmahathya ka anht khya hoga? ham to yoan hi daiv ke mare hue shthavar yoni mean p de haian; at: ab ap pun: hamean n marean. 'dev! trilokinath! ham log sada agni aur dhoop ka tap, sardi, varsha, aandhi aur ashtr-shashtroan dvara bhedan-chhedan ka kashht sahate rahate haian. aj apaki ajna se is brahmahathya ko bhi grahan kar leange; kiantu ap inase hamare chhutakare ka upay bhi to sochiye'. brahmaji ne kaha- sankranti, grahan, poornima, amavasya adi parvakal prapt hone par jo manushy mohavash tumhara bhedan-chhedan karega, usi ke pichhe tumhari yah brahmahatya lag jayagi. bhishm ji kahate haian- rajanh! mahatma brahmaji ke aisa kahane par vriksh, aushadhi aur trinaka samuday unaki pooja karake jaise aya tha, vaise hi shighr laut gaya. bharat! tathpashhchath lokapitamah brahmaji ne apsaraoan ko bulakar unhean mithe vachanoan dvara santvana dete hue-se kaha - ‘sundariyoan! yah brahmahatya indr ke pas se ayi hai. tum log mere kahane se isaka ek chaturthaansh grahan kar lo’. apsaraean bolian- devesh pitamah! apaki ajna se hamane is brahmahatya ko grahan kar lene ka vichar kiya hai, kiantu isase hamare chhutakare ke samay ka bhi vichar karane ki kripa karean . brahmaji ne kaha - jo purush rajasvala striyoan ke sath maithun karega, us par yah brahmahatya shighr chali jayagi; atah tumhari yah manasik chinta door ho jani chahie. bhishm ji kahate haian- bharatashreshth! yah sunakar apsaraoan ka man prasann ho gaya. ve ‘bahut achchha‘ kahakar apane-apane sthanoan mean jakar vihar karane lagian. tab tribhuvan ki srishti karane vale mahatapasvi bhagavan brahma ne punah jal ka chintan kiya. unake smaran karate hi turant jal devata vahaan upasthit ho gaye. rajanh! ve sab amit tejasvi pitamah brahmaji ke pas pahuanch kar unhean pranam karake is prakar bole- ‘shatruoan ka daman karane vale prabho! dev! lokanath! ham apaki ajna se seva mean upasthit hue haian. hamean ajna dijie, ham kaun-si seva karean’ ? brahmaji ne kaha- vritrasur ke vadh se indr ko yah mahabhayankar brahmahatya prapt huee hai. tum log isaka ek chauthaee bhag grahan kar lo. jal devata ne kaha – lokeshvar! prabho! ap jaisa kahate haian, aisa hi hoga; parantu ham is brahmahatya se kis samay chhutakara payeange, isaka bhi vichar kar lean . |
tika tippani aur sandarbh
sanbandhit lekh
varnamala kramanusar lekh khoj