महाभारत अनुशासनपर्व अध्याय 93 श्लोक 106-123

trinavatitam (93) adhyay :anushasanaparv (danadharm parv)

mahabharat: anushasanaparv: trinavatitam adhyay: shlok 106-123 ka hindi anuvad is prakar shunahsakh ne us mahabalavati rakshasi ka vadh karake tridand ko prithvi par rakh diya aur svayan bhi ve vahian ghas se dhaki huee bhoomi par baith gaye. tadanantar ve sabhi maharshi ichchhanusar kamal ke phool aur mrinal lekar prasannatapoorvak sarovar se bahar nikale. phir bahut parishram karake unhoanne alag-alag bojh baandhe. isake bad unhean kinare par hi rakhakar ve sarovar ke jal se tarpan karane lage. tho di der bad jab ve purushapravar pani se bahar nikale to unhean rakhe hue apane ve mrinal nahian dikhaee p de. tab ve rrishi ek-doosare se kahane lage- 'are! ham sab log bhookh se vyakul the aur ab bhojan karana chahate the. aise samay mean kis nirdayi ne ham papiyoan ke mrinal chura liye.' shatrusoodan! ve shreshth brahman apas mean hi ek-doosare par sandeh karate hue poochhatachh karane lage aur ant me bole- 'ham sab log milakar shapath karean.' shapath ki bat sunakar sab-ke-sab bol uthe- 'bahut achchha'. phir ve bhookh se pi dit aur parishram se thake-maande brahman ek sath hi shapath khane ka taiyar ho gaye.' atri bale- 'jo mrinal ki chori karata ho, use gay ko lat marane, soory ki or muanh karake peshab karane aur anadhyay ke samay adhyayan karane ka pap lage.' vasishth bole- 'jisane mrinal churaye hoan, use nisiddh samay mean ved padhane, kutte lekar shikar khelane, sannyasi hokar manamana bartav karane, sharanagat ko marane, apani kanya bechakar jivika chalane tatha kisan ka dhan chhin lene ka pap lage.' kashyap ne kaha- 'jisane mrinaloan ki chori ki ho, usako sab jagah sab tarah ki batean kahane, doosaroan ki dharohar h dap lene aur jhoothi gavahi dene ka pap lage. jo mrinaloan ki chori karata ho, use maansahar ka pap lage. usaka dan vyarth chala jaye tatha use din mean stri ke sath samagam karane ka pap lage.' bharadvaj bole- 'jisane mrinal churaya ho, us nirdayi ko dharm ke parityag ka dosh lage. vah striyoan, kutumbijanoan tatha gauoan ke sath papapoorn bartav karane ka doshi ho aur brahman ko vad-vivad mean parajit karane ka pap lage. jo mrinal ki chori karata ho, use upadhyay (adhyapak ya guru) ko niche baithakar, unase rrigved aur yajurved ka adhyayan karane aur ghas-phoos ki ag mean ahuti dalane ka pap lage.' jamadagni bole- 'jisane mrinaloan ka apaharan kiya ho, use pani mean malatyag karane ka pap lage, gay marane ka athava usake sath droh karane ka tatha rritukal aye bina hi stri ke sath samagam karane ka pap lage. jisane mrinal churaye hoan, use sabake sath dvesh karane ka, stri ki kamaee par jivika chalane ka, bhaee-bandhuoan se door rahane ka, sab se bair karane ka aur ek-doosare ke ghar atithi hone ka pap lage.' gautam bole- 'jisane mrinal churaye hoan, use vedoan ko padhakar tyagane ka, tinoan agniyoan ka parityag karane ka aur somaras ka vikray karane ka pap lage. jisane mrinaloan ki chori ki ho, use vahi lok mile, jo ek hi koop mean pani bharane vale, gaanv mean nivas karane vale aur shoodr ki path‍ni se sansarg rakhane vale brahman ko milata hai.'