dvinavatyadhikashatatam (192) adhhyay: udyog parv (ambopakhhyan parv)
mahabharat: udyog parv: dvinavatyadhikashatatam adhyay: shlok 43-62 ka hindi anuvad
tab yaksharaj ne kaha- ‘sthoonakarn ko yahaan bula le ao. maian use danhd dooanga.’ yah bat unhoanne bar-bar duharayi. rajan! is prakar bulane par vah yaksh kuber ki seva mean gaya. maharaj! vah striroop dharan karane ke karan lajja mean dooba hua unake samane kh da ho gaya. kurunandan! use is roop mean dekhakar kuber atyant kupit ho uthe aur shap dete hue bole- ‘guhyako! is papi sthoonakarn ka yah stritv ab aisa hi bana rahe’. tadanantar mahatma yaksharaj ne us yaksh se kaha- ‘papabuddhi aur papachari yaksh! toone yakshoan ka tiraskar karake yahaan shikhanhdi ko apana purushatv de diya aur usaka stritv grahan kar liya hai. durbuddhe! toone jo yah avyavharik kary kar dala hai, isake karan aj se too stri hi bana rahe aur shikhanhdi purusharoop mean hi rah jay.' tab yakshoan ne anunay-vinay karake sthoonakarn ke liye kuber-ko prasann kiya aur baranbar agrahapoorvak kaha- ‘bhagavan! is shap ka ant kar dijiye.' tat! tab mahatma yaksharaj ne sthoonakarn ka anugaman karane vale un samast yakshoan se us shap ka ant kar dene ki ichchha se is prakar kaha- ‘yaksho! shikhanhdi ke mare jane par yah sthoonakarn yaksh apana poornaroop phir prapt kar lega. at: ab ise nirbhay ho jana chahiye.’ aisa kahakar mahamana bhagavan yaksharaj kuber un yakshoan dvara atyant poojit ho nimesh matr mean hi abhishht sthan par pahuanch jane vale apane samast sevakoan ke sath vahaan se chale gaye. us samay kuber ka shap pakar sthoonakarn vahian rahane laga. shikhanhdi poorv nishchit samay par us nishachan sthoonakarn ke pas turant a gaya. usake nikat jakar shikhanhdi ne kaha- ‘bhagavan! maian apaki seva mean upasthit hooan.’ tab sthoonakarn ne usase baranbar kaha- ‘maian tum par bahut prasann hooan, bahut prasann hooan’ rajakumar shikhanhdi ko saralatapoorvak aya hua dekh usase yaksh ne apana sara vrittant thik-thik kah sunaya. yaksh ne kaha- rajakumar! tumhare liye hi yaksharaj ne mujhe shap de diya hai; at: ab jao, ichchhanusar sare jagat mean sukhapoorvak vicharo. maian ise apana puratan prarabdh hi manata hooan, jo ki tumhara yahaan se jana aur usi samay yaksharaj kuber ka yahaan akar darshan dena hua. ab ise tala nahian ja sakata. bhishhm kahate haian- bharatanandan! sthoonakarn yaksh ke aisa kahane par shikhanhdi b de harsh ke sath apane nagar ko laut aya. poorn manorath hokar laute hue apane putr shikhanhdi ke sath panchalaraj drupad gandh-maly adi nana prakar ke bahumooly upacharoan dvara devataoan, brahmanoan, chaity pipal adi dharmik vrikshoan tatha chaurahoan ka poojan kiya tatha bandhu-bandhavoan sahit unhean mahan harsh prapt hua. maharaj! kurushreshhth! drupad apane putr shikhanhdi ko jo pahale kanya roop mean utpann hua tha, dronachary ki seva mean dhanurved ki shiksha ke liye sauanp diya. is prakar drupadaputr shikhanhdi tatha dhrishtadyumn ne tum sab bhaiyoan ke sath hi grahan, dharan, prayog aur pratikar- in char padoan se yukt vanurved ka adhhyayan kiya. maianne drupad ke nagar mean kuchh guptachar niyukt kar diye the,jo gooange, aandhe aur bahare banakar vahaan rahate the. ve hi yah sab samachar mujhe thik-thik bataya karate the. |
tika tippani aur sandarbh
sanbandhit lekh
varnamala kramanusar lekh khoj