chaturth (4) adhyay: virat parv (pandavapravesh parv)
mahabharat: virat parv: chaturth adhyay: shlok 32-47 ka hindi anuvad
man mean prasannata hone par mukh se mridul (mand) muskan ka hi pradarshan kare. jo abhisht vastu ki prapti hone par (adhik) harshit nahian hota athava apamanit hone par adhik vyatha ka anubhav nahian karata aur sada mohashoony hokar vivek se kam leta hai, vahi raja ke yahaan sukhapoorvak rah sakata hai. jo buddhiman sachiv sada raja athava rajakumar ki prashansa karata rahata hai, vahi raja ke yahaan usaka pritipatr hokar tik sakata hai. yadi koee mantri pahale raja ka kripa patr raha ho aur pichhe se akaran use dand bhogana p da ho, us dasha mean bhi jo raja ki ninda nahian karata, vah punah apane poorv vaibhav ko prapt kar leta hai. jo buddhiman raja ke ashrit rahakar jivan nirvah athava usake rajy mean nivas karata hai, use raja ke samane athava pith pichhe bhi usake gunoan ki hi charcha karani chahiye. jo mantri raja ko balapoorvak apane adhin karana chahata hai, vah adhik samay tak apane pad par nahian tik sakata. itana hi nahi, usake pranoan par bhi sankat a jata hai. apani bhalaee athava labh dekhakar doosare ko sada raja ke sath n milave; n batachit karave. upayukt sthan aur avasar dekhakar sada raja ki visheshata prakat kare. jo utsahasampann, buddhi-bal se yukt, shooravir, satyavadi, komal svabhav aur jitendriy hokar sada chhaya ki bhaanti raja ka anusaran karata hai, vahi rajadarabar mean tik sakata hai. jab doosare ko kisi kary ke liye bheja ja raha ho, us samay jo svayan hi uthakar age aye aur poochhe- ‘mere liye kya ajna hai’, vahi rajabhavan mean nivas kar sakata hai. jo raja ke dvara antarik (dhan evan stri adi ki raksha) aur bahy (shatruvijay adi) karyoan ke liye adesh milane par kabhi shankit ya bhayabhit nahian hota, vahi raja ke yahaan rah sakata hai. jo ghar-bar chho dakar paradesh mean rahane par bhi priyajanoan evan abhisht bhogoan ka smaran nahian karata aur kasht sahakar sukh pane ki ichchha karata hai, vahi rajadarabar mean tik sakata hai. |
tika tippani aur sandarbh
sanbandhit lekh
varnamala kramanusar lekh khoj