chaturdasham (14) adhyay: virat parv (kichakavadhaparv)
mahabharat: virat parv chaturdasham adhyayah shlok 16-32 ka hindi anuvad
tanumadhyame! tumhari kamar itani patali hai ki hathoan ke agrabhag se (aangoothe se lekar tarjani tak ke bitte se) map li ja sakati hai. vah trivali ki tin rekhaoan se param sundar dikhati hai. tumhare stanoan ke bhar ne use kuchh jhuka diya hai. bhamini! nadi ke do kinaroan ke saman tumhare manohar jaghan ko dekh lene se hi kamaroopi asadhy rog mujh jaise vir par bhi akraman kar raha hai. nirdayi kamadev agnisvaroop hokar davanal ki bhaanti mere hridayaroopi van mean jal utha hai. tumhare samagam ka sankalp isamean ghi ka kam karata hai. isase atyant prajvalit hokar yah kam mujhe jala raha hai. vararohe! tum apane sangamaroopi megh se atmasamarpanaroopi varsha dvara is prajvalit madanagni ko bujha do. chandramukhi! mere man ko unmatt bana dene vale kamadev ke ban-samooh tumhare samagam asharoopi shan par chadhakar atyant tikhe aur tivr ho gaye haian. kajarare nayan prantoan vali sundari! atyant krodhapoorvak chalaye hue kam ke ve prachand evan bhayankar ban dayashoony ho veg se akar mere is hriday ko vidirn karake bhitar ghus gaye haian aur atishay unmad (sannipatajanit behoshi) paida kar rahe haian. ve mere liye premonmadajanak ho rahe haian. ab tumhian atmadanajanit sambhogaroop aushadh ke dvara yahaan mera uddhar kar sakati ho. vilasite! vichitr mala aur sundar vastr dharan karake samast abhooshanoan se vibhooshit ho mere sath atishay kamabhog ka sevan karo. yahaan anek prakar ke vastr haian. atah tum aise sthan mean nivas karane yogy nahian ho. tum sukh bhogane ke yogy ho, kiantu yahaan sukh se vanchit ho. masti bhari chal se chalane vali sairandhri! tum mujhase sarvottam sukhabhog prapt karo. amrit ke saman svadisht aur manohar bhaanti-bhaanti ke pey rasoan ka pan karati huee tumhean jaise sukh mile, usi prakar raman karo. mahabhage! nana prakar ki bhog-samagri tatha sarvottam saubhagy pakar uttamottam shubh bhogoan ke sath pine yogy rasoan ka asvadan karo. anaghe! tumhara yah sarvotkrisht roop saundary aj ki paristhitiyoan mean keval vyarth ja raha hai. bhamini! jaise uttam har ko yadi kisi ne gale mean dharan nahian kiya, to usaki shobha nahian hoti, usi prakar sundari! tum shubhasvaroopa aur shobhamayi hokar bhi kisi ke gale ka har n ban sakane ke karan sushobhit nahian hoti ho. |
tika tippani aur sandarbh
sanbandhit lekh
varnamala kramanusar lekh khoj