ekadash skandh: saptaviansh adhyay
shrimadbhagavat mahapuran: ekadash skandh: saptaviansh adhyay shlok 16-24 ka hindi anuvad
upasak pahale pooja ki samagri ikatthi kar le. phir is prakar kush bichhaye ki unake agale bhag poorv ki or rahean. tadanantar poorv ya uttar ki or muanh karake pavitrata se un kushoan ke asan par baith jaye. yadi pratima achal ho to usake samane hi baithana chahiye. isake bad pooja kary prarambh kare. pahale vidhipoorvak aanganyas aur karanyas kar le. isake bad moorti mean mantranyas kare aur hath se pratima par se poorvasamarpit samagri hatakar use poanchh de. isake bad jal se bhare hue kalash aur prokshan patr adi ki pooja gandh-pushp adi se kare. prokshanapatr ke jal se pooja samagri aur apane sharir ka prokshan kar le. tadanantar pady, ardhy aur achaman ke liye tin patroan mean kalash mean se jal bharakar rakh le aur usamean pooja-paddhati ke anusar samagri dale. (padyapatr mean shyamak-saanve ke dane, doob, kamal, vishnukranta aur chandan, tulasidal adi; arghyapatr mean gandh, pushp, akshat, jau, kush, til, sarasoan aur doob tatha achaman patr mean jayaphal, lauang adi dale.) isake bad pooja karane vale ko chahiye ki tinoan patroan ko kramashah hridayamantr, shiromantr aur shikhamantr se abhimantrit karake ant mean gayatri mantr se tinoan ko abhimantrit kare. isake bad pranayam ke dvara pran-vayu aur bhavanaoan dvara sharirasth agni ke shuddh ho jane par hridayakamal mean param sookshm aur shreshth dipashikha ke saman meri jiv kala ka dhyan kare. b de-b de siddh rrishi-muni Omkar ke akar, ukar, makar, bindu aur nad-in paanch kalaoan ke ant mean usi jivakala ka dhyan karate haian. vah jivakala atmasvaroopini hai. jab usake tej se sara antahkaran aur sharir bhar jaye tab manasik upacharoan se man-hi-man usaki pooja karani chahiye. tadanantar tanmay hokar mera avahan kare aur pratima adi mean sthapana kare. phir mantroan ke dvara aanganyas karake usamean meri pooja kare. |
tika tippani aur sandarbh
sanbandhit lekh
varnamala kramanusar lekh khoj