tritiy skandh: ekaviansh adhyay
shrimadbhagavat mahapuran: tritiy skandh: ekaviansh adhyayah shlok 29-44 ka hindi anuvad
maitrey ji kahate haian- vidur ji! kardam rrishi se is prakar sambhashan karake, indriyoan ke antarmukh hone par prakat hone vale shrihari sarasvati nadi se ghire hue bindusar tirth se (jahaan kardam rrishi tap kar rahe the) apane lok ko chale gaye. bhagavan ke siddhamarg (vaikunth marg) ki sabhi siddheshvar prashansa karate haian. ve kardam ji ke dekhate-dekhate apane lok ko sidhar gaye. us samay garu d ji ke pakshoan se jo sam ki adhar bhoota rrichaean nikal rahi thian, unhean ve sunate jate the. vidur ji! shrihari ke chale jane par bhagavan kardam unake bataye hue samay ki pratiksha karate hue bindu sarovar par hi thahare rahe. viravar! idhar manu ji bhi maharani shataroopa ke sath suvarnajatit rath par savar hokar tatha us par apani kanya ko bhi bithakar prithvi par vicharate hue, jo din bhagavan ne bataya tha, usi din shantiparayan maharshi kardam ke us ashram par pahuanche. sarasvati ke jal se bhara hua yah bindu sarovar vah sthan hai, jahaan apane sharanagat bhakt kardam ke prati utpann huee atyant karuna ke vashibhoot hue bhagavanh ke netroan se aansuoan ki booandean giri thian. yah tirth b da pavitr hai, isaka jal kalyanamay aur amrit ke saman madhur hai tatha maharshigan sada isaka sevan karate haian. us samay bindu sarovar pavitr vriksh-lataoan se ghira hua tha, jinamean tarah-tarah ki boli bolane vale pavitr mrig aur pakshi rahate the, vah sthan sabhi rrituoan ke phal aur phooloan se sampann tha aur sundar van shreni bhi usaki shobha badhati thi. vahaan jhuand-ke-jhuand matavale pakshi chahak rahe the, matavale bhauanre mandara rahe the, unmatt mayoor apane pichchh phaila-phailakar nat ki bhaanti nrity kar rahe the aur matavale kokil kuhoo-kuhoo karake mano ek-doosare ko bula rahe the. vah ashram kadamb, champak, ashok, karanj, bakul, asan, kund, mandar, kutaj aur naye-naye am ke vrikshoan se alankrit tha. vahaan jalakag, battakh adi jal par tairane vale pakshi hans, kurar, jalamurg, saras, chakava aur chakor madhur svar se kalarav kar rahe the. harin, sooar, syahi, nilagay, hathi, langoor, sianh, vanar, nevale aur kastoori mrig adi pashuoan se bhi vah ashram ghira hua tha. |
tika tippani aur sandarbh
sanbandhit lekh
varnamala kramanusar lekh khoj