vishay soochi
bharat savitri -vasudevasharan agraval
3. aranyak parv
adhyay : 277-283
38. savitri-upakhyan
savitri- ‘‘jaise any var ap de dete haian, vaise sukrit ke bina moksh ap kisi ko nahian dete. atev maian yahi var maangati hooan ki satyavan jivit ho jayan, kyoanki pati ke bina mai bhi mari huee hi hooan. bhartta ke bina n maian sukh chahati hooan, n svarg, n rajyashri aur n jivan. ap hi mujhe shataputravati hone ka var de chuke haian aur phir mere pati ko le ja rahe haian. maian yahi var maangati hooan ki satyavan jivit hoan aur apaka vachan saty ho.’’ usake yah vachan sunakar vaivasvat yam ne ‘tathastu’ kahakar pashoan ko mukt kar diya aur prasann hokar savitri se kaha, ‘‘he bhadre! maianne tumhare pati ko chho da, ab yah svasth hokar saphal manorath aur dirghayu hoga. satyavan se tumhean jin sau putroan ki prapti hogi, ve sab kshatriy raja kahalayange aur putr-pautroan se yukt hokar tumhare hi nam se prasiddh hoange. tumhare pita se malavi namak mata ke jo sau putr hoange, ve malav kahalayange.’’ savitri ko var dekar yam apane lok ko chale ge aur udhar savitri apane pati ke pas laut aee. tabhi satyavan phir hosh mean akar uth baitha. yahaan savitri ke jin putroan ka ullekh hai, ve savitriputrak nam se prasiddh hue. karn parv[1] mean aur panini ki ashtadhyayi mean bhi ganarajy ke roop mean unaka ullekh aya hai. savitri aur satyavan ke putr-pautroan ke jo kutumb phaile, unhoanne apane chhote ganarajy ki sthapana ki aur usi ka yah nam p da. ‘putr’ shabd yahaan ‘khyat’ ya ‘kabile’ ka vachak hai, jaisa panjab ke aro de khatriyoan mean keharapotre, chananapotre adi jati namoan mean dekha jata hai. vivah ke samay savitri aur satyavan rajy se nirvasit the. vivah ho jane par jab unake din phire to madr aur shalv donoan ne apani-apani sainik tuk diyaan sahayata ke lie unhean dian. unhian se madrakaraah aur shalvasenayah in do chhote rajyoan ki aur nianv p di. jnat hota hai ki panjab ke savitri putrakoan mean hi savitri aur satyavan ka yah mahadh upakhyan jatiy pava de ke roop mean surakshit chala ata tha. jahaan se vah mahabharat mean antarbhukt hua. kath charan ne, jo ki visheshatah madhy panjab mean hi tha, isi se milati-julati yam ke varadanoan ki kahani kathopanishad mean surakshit rakhi hai. us katha ki prishthabhoomi mean bhi yam ke diye hue varadan mahattvapoorn abhipray ke roop mean haian. idhar jab satyavan ko phir hosh hua to vah savitri ko sath lekar ashram ko laut aya. vahaan dyumatsen ko pahale hi drishti prapt ho gee thi. unake aur arany ke sathi rrishiyoan ke prashn karane par savitri ne vah sab vrittant sunaya. markandey ne katha ka upasanhar karate hue kaha, ‘‘jaise savitri ne apane mata-pita, sas-susar aur pati-kul ka uddhar kiya vaise hi kalyanamayi draupadi apane shil se ap sabaka uddhar karegi.’’ |
tika tippani aur sandarbh
- ↑ 4. 47
sanbandhit lekh
kr.s. | vishay | prishth sankhya |
varnamala kramanusar lekh khoj