vishay soochi
bharat savitri -vasudevasharan agraval
2. sabha parv
adhyay : 23-29
14. digvijay
jarasandh ka vadh ho jane par yudhishthir ka rajanaitik kantak to mit gaya, kintu rajasooy yajn ki saphalata ke lie doosari avashyakata thi kosh ka sangrah. kosh vivarddhan ke lie rajaoan se kar-grahan karana avashyak tha aur kar ke aharan ka many upay us samay ki rajaniti mean digvijay samajha jata tha. atev mahabharat ke agrim prakaran mean char pandav bhaiyoan dvara charoan dishaoan ki digvijay ka varnan kiya gaya hai. arjun ne uttar, bhimasen ne poorv, sahadev ne dakshin aur nakul ne pashchim disha ki digvijay ki. jnat hota hai ki mahabharat ke mool sanskaran mean dishaoan ki vijay ka keval sanket matr tha. arjun ne vijay-yatra ke lie yudhishthir se prarthana ki aur unhoanne usaka samarthan kiya, “yogy brahmanoan ka svastivachan prapt kar shatruoan ke klesh aur mitroan ke anand ke lie he arjun, tumhari nishchay hi vijay hogi.” yah sunakar arjun ne digvijay-yatra ki aur usi prakar any bhaiyoan ne bhi dharmaraj ki ajna se dishaoan ko jita. kintu is sankshipt ullekh se janamejay ka man nahian bhara. unhoanne vaishampayan se kaha, "he brahman, dishaoan ki is vijay ko vistar ke sath kahie, kyoanki poorvajoan ka charitr sunate hue mujhe sankshep se tripti nahian hoti." is prishthabhoomi mean vaishampayan ne digvijay-parv ke us brihat sanskaran ka varnan kiya, jisamean desh ki charoan dishaoan ke bhoogol aur anek aitihasik ullekhoan ka samavesh ho gaya hai. khandavaprasth se chalakar arjun ne pahale kunind aur kalakoot pradesh ko jita. yamuna ke uttar mean deharadoon se jagadhari tak phaila hua pradesh kunind kahalata tha. yahaan se kunind ganarajy ke anek sikke prapt hue haian. isi pradesh mean kalakoot tha, jahaan himalay ke kisi shikhar mean kale aanjan ki khan thi. himalay ke is hisse ke kuchh uttar-pashchim mean panjab ki paha di riyasatean siramoor, nahan, bilasapur, mandi adi bhi is prakar bhari huee haian, jaise katahal mean koe. shimala ki in paha di riyasatoan ke lie hi sambhavatah ‘saptadvip’ is bhaugolik sanjna ka prayog hua hai. inhean hi sansaptak-gan bhi kahate the. in paha di rajaoan ke sath arjun ki sena ka tumul sangram hua, kintu ant me unhoanne adhinata svikar kar li aur svayan bhi usaki vijay-yatra mean sammilit ho ge. |
tika tippani aur sandarbh
sanbandhit lekh
kr.s. | vishay | prishth sankhya |
varnamala kramanusar lekh khoj