vishay soochi
bharat savitri -vasudevasharan agraval
12. shanti parv
adhyay : 68-73
rajy ko arajak janapad ki sthiti gras leti thi. shantiparv ka 68vaan adhyay vainayik ke adarsh ki vyakhya karata hai. yoonan ke purarajyoan mean tin adarshoan ke samanvay ki kalpana ki gee thi- unnati ki poornatam avastha ko prapt hua rajy, uchchamat nitidharm, utkrishtatam nagarik. ye tinoan ek doosare se abhinn aur ek doosare ke mool samajhe jate the. thik isi prakar bharatiy janapadoan ke yug mean dharm, dharmik raja, rashtr aur dharmik praja ya lok, in tinoan ke sah astitv ya parasparik avinabhav ki kalpana thi. ise hi vainayik adarsh mana jata tha. kosal desh ke vinayajn raja vasumana ne apane rajy mean vainayik adarsh ki sthapana ki.[1] yah sarvabhootahitanirat rajy ki vidhi thi, jisase prajaean atyant sukh praptakar sakati thian. isake lie tin batean avashyak thian. ek dharm, doosare dharm parayan prajaean aur tisare dharmamoolak rajy. vainayik rajy ke vishay mean yudhishthir ne ye prashn poochhe, “kis upay se prajaoan ki vriddhi hoti hai aur kis prakar unaka kshay ho jata hai? kisaki pooja se unhean atyant sukh prapt hota hai?” brihaspati ne jo kausaly suprabh ko nishchat uttar diya tha vah bhishm ne kaha, “dharm ka mool rajy hai. raja ke bhay se prajaean ek-doosare ka bhakshan nahian karatian. raja hi dharm ke dvara sab logoan ko prasann rakhata hai. bina chandr-soory ke jaise lok ko andhakar gras leta hai, vaise hi bina raja ke prajaean andhakar ke gaddhe mean vilin ho jati haian. jaise bina pani ke machhaliyaan duahkhi hoti haian, vaise hi bina raja ke prajaean.” isake anantar 16 shlokoan mean arajak janapad ka ek git diya gaya hai, jisaki tek hai-yadi raja n palayeth. balavan durbaloan ka mal-asabab loot lean aur jabaradasti unhean mar dalean, yadi raja palan n kare. savari, vastr, alankar aur vividh ratnoan ko papi log balapoorvak har lean, yadi raja palan karane vala n ho. yah vastu meri hai, aisa vishvas kisi ko n ho aur vishv ka lop ho jay, yadi raja palan n kare. mata, pitar, vriddh, achary, atithi, guru inhean sab log kasht dene lagean ya hiansa kar dean, yadi raja palan n kare. dharm ka acharan karane valoan par shastraghat ho, sab log adharm ka ashray le lean, yadi raja palan n kare. arthavan vyaktiyoan ka vadh, bandhan aur klesh hone lage aur mamatv ka bhav n rahe, yadi raja palan n kare. logoan ke gharoan mean sab kuchh shoony ho jay, sab kuchh dasyuoan ke adhin ho jay aur sab logoan ki sthiti narak jaisi ho jay, yadi raja palan n kare. n pashupalan karane vale hoan, n krishi ho aur n vanik ka karm ho, dharm aur ved-vidya doob jayan, yadi raja palan n kare. aptadakshina vale vidhivat yajn, samaj-utsav aur vivah adi bhi n manaye jayan, yadi raja palan n kare. |
tika tippani aur sandarbh
- ↑ sarvan vainayikan kritva vinayajnah, shantiparv 68.4
sanbandhit lekh
kr.s. | vishay | prishth sankhya |
varnamala kramanusar lekh khoj