vishay soochi
bharat savitri -vasudevasharan agraval
3. aranyak parv
adhyay : 284-294
39. kundalaharan
bich mean hi janamejay ne us guhy bat ke vishay mean bhi prashn kar diya, jisaka soory ne sanket kiya tha. uttar mean vaishampayan ne kaumar avastha mean kunti ke garbh se karn ke janm ki katha kahi. kunti vrishni-vansh mean utpann shoor ki putri evan vasudev ki bahan thi. balapan mean hi usake pita ne use raja kuntibhoj ko god de diya tha. jab vah yuvati huee tab kuntibhoj ke yahaan ek param tejasvi brahman aya. pita ne kunti ko yah bhar saupa ki vah brahman ki seva mean niyat rahe. roop aur yauvan-sampann kunti ke lie yah tedha kam tha aur pita ne bhi n jane man mean kya sochakar use is niyog mean lagaya tha. yah spasht to nahian kaha gaya, kintu ghuma-phira kar lagabhag tis shlokoan mean usane bar-bar us tejasvi brahman ki seva ke lie kunti ko prerit kiya. vah brahman ek varsh vahaan raha. kunti ne shishy ki bhaanti, putr ki bhaanti aur bahan ki bhaanti, usaki seva ki, jisase brahman prasann hua. brahman ne chalate samay kunti se var maangane ko kaha. kunti ne sahaj bhav se kaha, ‘‘mujhe var nahian chahie. ap prasann hue, pita prasann hue, yahi mere lie sab kuchh hai.’’ brahman ne kaha, ‘‘yadi tum var nahian chahati to devataoan ko bulane ka yah mantr sikh lo. jis-jis dev ka is mantr se ahvan karogi, vah akam ya sakam kisi bhi bhav se tumhare vash mean ho jayega.’’ kunti brahman ke is agrah ko tal n saki aur vah atharv ke us mantr ko dekar chala gaya. kuchh samay bitane par kunti ne us mantr ke prabhav ki satyata janani chahi. devayog se vah usi samay rritumati huee aur usane sandhyakalin soory ko dekhakar usaka ahvan kiya. yogabal se soory ne manav ka sharir dharan kiya aur kunti ke pas aye. kunti ne kaha, ‘‘maianne to kutoohalavash tumhean bula liya tha, ‘‘par soory n mane aur usase atm-pradan ke lie agrah karate hue kaha, ‘‘yadi tum aisa n karogi to maian kruddh hokar tumhean aur tumhare pita ko bhasm kar dooanga aur brahman ko bhi, jisane tumhean mantr diya tha.’’ kunti ne bahut bhaanti talana chaha, kintu soory n mane aur use yah vishvas dilaya, ‘‘isase tumhean adharm n hoga. tum bad mean kanya bani rahogi aur tumhean mahabali putr hoga. tumhare putr ko amritamay divy kavach aur kundal prapt hoange. devata-mata aditi ne mujhe ve kundal diye the, ve maian use pradan karooanga.’’ is prakar kunti soory ke tej se vihval ho gee. |
tika tippani aur sandarbh
sanbandhit lekh
kr.s. | vishay | prishth sankhya |
varnamala kramanusar lekh khoj