pratham adhyay
yahaan shanka ho sakati hai ki duryodhan ko to pitamah bhishm ke pas jana chahie tha, jo ki senapati the. par duryodhan guru dronachary ke pas hi kyoan gaya? isaka samadhan yah hai ki dron aur bhishm- donoan ubhay-pakshapati the arthat ve kaurav aur paandav- donoan ka hi paksh rakhate the. un donoan mean bhi dronachary ko jyada raji karana tha; kyoanki dronachary ke sath duryodhan ka guru ke nate to sneh tha, par kutumb ke nate sneh nahian tha; aur arjun par dronachary ki vishesh kripa thi. atah unako raji karane ke lie duryodhan ka unake pas jana hi uchit tha. vyavahar mean bhi yah dekha jata hai ki jisake sath sneh nahian hai, usase apana svarth siddh karane ke lie manushy usako jyada adar dekar raji karata hai.
duryodhan ke man mean yah vishvas tha ki bhishm ji to hamare dada ji hi haian; atah unake pas n jaooan to bhi koee bat nahian hai. n jane se agar ve naraj bhi ho jayange to maian kisi tarah se unako raji kar looanga. karan ki pitamah bhishm ke sath duryodhan ka kautumbik sambandh aur sneh tha, bhishm ka bhi usake sath kautumbik sambandh aur sneh tha. isalie bhishm ji ne duryodhan ko raji karane ke lie jor se shankh bajaya hai.[1]
‘vachanamabravith’- yahaan ‘abravith’ kahana hi paryapt tha; kyoanki ‘abravith’ kriya ke aantargat hi ‘vachanamh’ a jata hai arthat duryodhan bolega, to vachan hi bolega. isalie yahaan ‘vachanamh’ shabd ki avashyakata nahian thi. phir bhi ‘vachanamh’ shabd dene ka tatpary hai ki duryodhan nitiyukt ganbhir vachan bolata hai, jisase dronachary ke man mean paandavoan ke prati dvesh paida ho jay aur ve hamare hi paksh mean rahate hue thik tarah se yuddh karean. jisase hamari vijay ho jae, hamara svarth siddh ho jae.
sambandh- dronachary ke pas jakar duryodhan kya vachan bola- isako age ke shlok mean batate haian.
pashyaitaan panduputranamachary mahatian chamoomh .
vyoodhaan drupadaputren tav shishyen dhimata.. 3 ..
arth- he achary ! apake buddhiman shishy drupad putr dhrishtadyumn ke dvara vyooh rachana se kh di ki huee paandavoan ki is b di bhari sena ko dekhie.
vyakhya- ‘achary’- dron ke lie ‘achary’ sanbodhan dene mean duryodhan ka yah bhav maloom deta hai ki ap ham sab ke- kauravoan aur paandavoan ke achary haian. shastravidya sikhane vale hone se ap sab ke guru haian. isalie apake man mean kisi ka paksh ya agrah nahian hona chahie.
‘tav shishyen dhimata’- in padoan ka prayog karane mean duryodhan ka bhav yah hai ki ap itane saral haian ki apane marane ke lie paida hone vale dhrishtadyumn ko bhi apane ashtr-shastr ki vidya sikhayi hai; aur vah apaka shishy dhrishtadyumn itana buddhiman hai ki usane apako marane ke lie apase hi astr-shastr ki vidya sikhi hai.
‘drupadaputren’- yah pad kahane ka ashay hai ki apako marane ke uddeshy ko lekar hi drupad ne yaj ko upayaj namak brahmanoan se yajn karaya, jisase dhrishtadyumn paida hua. vahi yah drupad putr dhrishtadyumn apake samane[2] senapati ke roop mean kh da hai.
|