shrimadbhagavadgita sadhak-sanjivani hindi-tika -svami ramasukhadas
shashth adhyay avatarinaka paanchavean adhyay ke aranbh mean arjun ne yah bat poochhi thi ki saankhyayog aur karmayog- in donoan mean shreshth kaun hai? isake uttar mean bhagavan ne kaha ki ye donoan hi kalyan karane vale haian; parantu karmasannyas aur karmayog- in donoan mean karmayog shreshth hai- ‘tasyostu karmasannyasatkarmayogo vishishyate’.[1] donoan kalyan karane vale kaise haian- isaka varnan bhagavan ne paanchavean adhyay ke chhabbisavean shlok tak kiya. phir saankhyayog tatha karmayog ke liye upayogi aur stantrata se kalyan karane vale dhyanayog ka sankshep se do shlokoan mean varnan kiya tatha aant mean apani hi taraph se bhakti ki nishtha batakar paanchavean adhyay ke vishay ka upasanhar kiya. ab punah karmayog ki shreshthata batane ke liye bhagavan chhathe adhyay ka vishay aranbh karate haian. shribhagavanuvach vyakhya- ‘anashritah karmaphalamh’- in padoan ka ashay yah pratit hota hai ki manushy ko kisi utpatti vinashashil vastu, vyakti, ghatana, paristhiti, kriya adi ka ashray nahian rakhana chahiye. karan ki yah jiv svayan paramatma ka aansh hone se nity-nirantar rahane vala hai aur yah jin vastu, vyakti adi ka ashray leta hai, ve utpatti vinashashil tatha pratikshan parivartit hone vale haian, ve to parivartanashil hone ke karan nasht ho jate haian aur yah[2] rita-ka-rita rah jata hai. keval rita hi nahian rahata, pratyut unake rag ko pak de rahata hai. jab tak yah unake rag ko pak de rahata hai, tab tak isaka kalyan nahian hota arthat vah rag usake ooanch nich yoniyoan mean janm lene ka karan ban jata hai.[3] agar yah us rag ka tyag kar de to yah svatah mukt ho jayaga. vastav mean yah svatah mukt hai hi, keval rag ke karan us mukti ka anubhav nahian hota. atah bhagavan kahate haian ki manushy karmaphal ka ashray n rakhakar kartavy karm kare. karmaphal ke ashray ka tyag karane vala to naishthi ki shaanti ko prapt hota hai, par karmaphal ka ashray rakhane vala bandh jata hai[4] sthool, sookshm aur karan- ye tinoan sharir ‘karmaphal’ haian. in tinoan mean se kisi ka bhi ashray n lekar inako sabake hit mean lagana chahiye. jaise, sthool sharir se kriyaoan aur padarthoan ko sansar ka hi manakar unaka upayog sansar ki seva[5] mean kare, sookshmasharir se doosaroan ka hit kaise ho, sab sukhi kaise ho, sabaka uddhar kaise ho- aisa chiantan karean; aur karan sharir se hone vali sthirata[6] ka bhi phal sansar ke hit ke liye arpan kare. karan ki ye tinoan sharir apane[7] nahian hai aur apane liye bhi nahian hai, pratyut sansar ke aur sansar ki seva ke liye hi haian. in tinoan ko sansar ke sath abhinnata aur apane svaroop ke sath bhinnata hai. is tarah in tinoan ka ashray n lena hi ‘karmaphal ka ashray n lena’ hai aur in tinoan se keval sansar ke hit ke liye karm karana hi ‘kartavy-karm karana’ hai. |
tika tippani aur sandarbh
sanbandhit lekh
shlok sankhya | vishay | prishth sankhya |
varnamala kramanusar lekh khoj