vishay soochi
brahm vaivart puran
prakritikhand : adhyay 57-61
durga ji ke solah namoan ki vyakhya, durga ki utpatti tatha unake poojan ki parampara ka sankshipt varnan narad ji bole– brahmanh! maianne atyant adbhut sampoorn upakhyanoan ko suna. ab durgaji ke uttam upakhyan ko sunana chahata hooan. ved ki kauthumi shakha mean jo durga, narayani, eeshana, vishnumaya, shiva (durga), sati, nitya, satya, bhagavati, sarvani, sarvamangala, ambika, vaishnavi, gauri, parvati aur sanatani– ye solah nam bataye gaye haian, ve sabake liye kalyanadayak haian. vedavettaoan mean shreshth narayan! in solah namoan ka jo uttam arth hai, vah sabako abhisht hai. usamean sarvasammat vedokt arth ko ap bataiye. pahale kisane durga ji ki pooja ki hai? phir doosari, tisari aur chauthi bar kin-kin logoan ne unaka sarvatr poojan kiya hai? shrinarayan ne kaha– devarshe! bhagavan vishnu ne ved mean in solah namoan ka arth kiya hai, tum use janate ho to bhi mujhase punah poochhate ho. achchha, maian agamoan ke anusar un namoan ka arth kahata hooan. durga shabd ka padachchhed yoan hai– durg+a. ‘durg’ shabd daity, mahavighn, bhavabandhan, karm, shok, duahkh, narak, yamadand, janm, mahan bhay tatha atyant rog ke arth mean ata hai tatha ‘a’ shabd ‘hanta’ ka vachak hai. jo devi in daity aur mahavighn adi ka hanan karati hai, use ‘durga’ kaha gaya hai. yah durga yash, tej, roop aur gunoan mean narayan ke saman hai tatha narayan ki hi shakti hai. isaliye ‘narayani’ kahi gayi hai. eeshana ka padachchhed is prakar hai– eeshan+a. ‘eeshan’ shabd sampoorn siddhiyoan ke arth mean prayukt hota hai aur ‘a’ shabd data ka vachak hai. jo sampoorn siddhiyoan ko dene vali hai, vah devi ‘eeshana’ kahi gayi hai. poorvakal mean srishti ke samay paramatma vishnu ne maya ki srishti ki thi aur apani us maya dvara sampoorn vishv ko mohit kiya. vah mayadevi vishnu ki hi shakti hai, isaliye ‘vishnumaya’ kahi gayi hai. ‘shiva’ shabd ka padachchhed yoan hai– shiv+a. ‘shiv’ shabd shiv evan kalyan arth mean prayukt hota hai tatha ‘a’ shabd priy aur data-arth mean. vah devi kalyanasvaroopa hai, shivadayini hai aur shivapriya hai, isaliye ‘shiva’ kahi gayi hai. devi durga sadbuddhi ki adhishthatri devi haian, pratyek yug mean vidyaman haian tatha pativrata evan sushila haian. isiliye unhean ‘sati’ kahate haian. jaise bhagavan nity haian, usi tarah bhagavati bhi ‘nitya’ haian. prakrit pralay ke samay ve apani maya se paramatma shrikrishn mean tirohit rahati haian. |
tika tippani aur sandarbh
sanbandhit lekh
adhyay | vishay | prishth sankhya |