vishay soochi
brahm vaivart puran
shrikrishnajanmakhand: adhyay 45-46
shiv-parvati ke vivah ka hom, striyoan ka nav-dampatti ko kautukagar mean le jana, devaanganaoan ka unake sath has-vinod, shiv ke dvara kamadev ko jivan-dan, var-vadhoo aur barat ki bidaee, shivadham mean pati-patni ki ekant varta, kailas mean atithiyoan ka satkar aur bidaee, sas-sasur ke bulane par shiv-parvati ka vahaan jana tatha parshadoan sahit shiv ka shvashur-grih mean nivas bhagavan shrikrishn kahate haian– priye! tadanantar mahadev ji ne vaidik vidhi se agni ki sthapana karake parvati ko apane vamabhag mean bithakar vahian yajn (vaivahik hom) kiya. vrindavan-vinodini! us yajn ke vidhipoorvak sampann ho jane par bhagavan shiv ne brahman ko dakshina ke roop mean sau suvarn diye. tatpashchat giriraj ke nagar ki striyoan ne pradip lakar maangalik krity ka sampadan kiya. phir ve navadampatti ko ghar mean le gayian. un sabane premapoorvak jayadhvani tatha shubh nirmanchhan adi karake mand muskarahat ke sath katakshapoorvak shiv ki or dekha. us samay unake aangoan mean romaanch ho aya tha. vas-bhavan mean pravesh karake kaminiyoan ne dekha– shankar atyant sundar roop aur veshabhoosha se sushobhit haian. unaka pratyek aang ratnanirmit abhooshanoan se vibhooshit hai. chandan, aguru, kastoori tatha kuankum se alankrit hai. unake prasannamukh par mand muskan ki prabha phail rahi hai. ve katakshapoorvak dekhate aur man ko har lete haian. unaki veshabhoosha apoorv evan sookshm hai. ve sindoor-vinduoan se vibhooshit haian. unaki gaur-kanti manohar champa ki abha ko tiraskrit kar rahi hai. ve sarvaangasundar, nootan yauvan se sampann tatha munindroan ke bhi chitt ko moh lene vale haian. vahaan sarasvati, lakshmi, savitri, ganga, rati, aditi, shachi, lopamudra, arundhati, ahalya, tulasi, svaha, rohini, vasudha devi, shataroopa tatha sanjna– ye solah devaanganaean bhi upasthit thian. inake siva aur bhi bahut-si manohar roopavali devakanyaean, nagakanyaean tatha munikanyaean vahaan ayi thian. us samay jo devaanganaean giriraj ke bhavan mean virajaman thian, un sabaki sankhya batane mean kaun samarth hai? unake diye hue ratnamay sianhasan par doolah shiv prasannatapoorvak baithe. us samay un solah divy deviyoan ne sudha ke saman madhur vani mean bhagavan shankar ko badhaee di. unake sath vinodabhari batean kian aur parvati ko sukh pahuanchane ke liye vinamr anurodh kiya. isi samay bhagavan shankar ne rati par kripa ki. rati ne gaanth mean bandhi huee kamadev ke sharir ki bhasmarashi unake samane rakh di aur shiv ne apani amritamayi drishti se dekhakar bhasm ke us dher se punah kamadev ko prakat kar diya. tatpashchat yogiyoan ke param guru nirvikar bhagavan shankar ne un parihas parayana deviyoan se kaha– ‘ap sab-ki-sab sadhvi tatha jaganmataean haian, phir mujh putr ke prati yah chapalata kyoan?’ shiv ki bat sunakar ve deviyaan sambhramapoorvak chitralikhi-si kh di rah gayian. |
tika tippani aur sandarbh
sanbandhit lekh
adhyay | vishay | prishth sankhya |