vishay soochi
brahm vaivart puran
shrikrishnajanmakhand: adhyay 27
gopakishoriyoan dvara gauri-vrat ka palan, durga-stotr aur usaki mahima, samapti ke din gopiyoan ko nagn-snan karati jan shrikrishn dvara unake vastr adi ka apaharan, shriradha ki prarthana se bhagavan ka sab vastuean lauta dena, vrat ka vidhan, durga ka dhyan, gauri-vrat ki katha, lakshmisvaroopa vedavati ka sita hokar is vrat ke prabhav se shriram ko patiroop mean pana, sita dvara ki huee parvati ki stuti, shriradha adi ke dvara vratant mean dan, devaki ka un sabako darshan dekar radha ko svaroop ki smriti karana, unhean abhisht var dena tatha shrikrishn ka radha adi ko punah darshan-sambandhi manovaanchhit var dena bhagavan shrinarayan kahate haian– narad! suno. ab maian punah shrikrishn-lila ka varnan karata hooan. yah vah lila hai, jisamean gopiyoan ke chir ka apaharan hua aur unhean manovaanchhit varadan diya gaya. hemant ke pratham mas-margashirsh mean gopaanganaean prem ke vashibhoot ho pratidin keval ek bar havishyann grahan karake poornatah sanyamashil ho poore mahine bhar bhaktibhav se vrat karati rahian. ve nahakar yamuna ke tat par parvati ki balukamayi moorti bana usamean devi ka avahan karake mantrochcharanapoorvak nityaprati pooja kiya karati thian. mune! gopiyaan chandan, aguru, kastoori, kuankum, nana prakar ke manohar pushp, bhaanti-bhaanti ke pushpahar, dhoop, dip, naivedy, vastr, anekanek phal, mani, moti aur mooange chadhakar tatha anek prakar ke baje bajakar pratidin devi ki pooja sampann karati thian. he devi jagataan matah srishtisthityantakarini. ‘uttam vrat ka palan karane vali he devi! he jagadamb! tumhian jagat ki srishti, palan aur sanhar karane vali ho; tum hamean nandagop-nandan shyamasundar ko hi pranavallabh pati ke roop mean pradan karo.’ is mantr se deveshvari durga ki moorti banakar sankalp karake moolamantr se unaka poojan kare. samavedokt moolamantr bijamantr sahit is prakar hai – isi mantr se sab gopakumariyaan bhaktibhav aur prasannata ke sath devi ko phool, mala, naivedy, dhoop, dip aur vastr chadhati thian. mooange ki mala se bhaktipoorvak is mantr ka ek sahasr jap aur stuti karake ve dharati par matha tekakar devi ko pranam karati thian. us samay kahatian ki ‘samast mangaloan ka bhi mangal karane vali aur sampoorn kamanaoan ko dene vali shankarapriye devi shive! tumhean namaskar hai. tum mujhe manovaanchhit vastu do.’ yoan kah namaskar karake dakshina de sare naivedy brahmanoan ko arpit karake ve ghar ko chali jati thian. bhagavan shrinarayan kahate haian– mune! ab tum devi ka vah stavaraj suno, jisase sab gopakishoriyaan bhaktipoorvak parvati ji ka svatan karati thian, jo sampoorn abhisht phaloan ko dene vali haian. jab sara jagat ghor ekarnav mean doob gaya tha; chandrama aur soory ki bhi satta nahian rah gayi thi; kajjal ke saman jalarashi ne samast charachar vishv ko atmasat kar liya tha; us puratan kal mean jalashayi shrihari ne brahmaji ko is stotr ka upadesh diya. upadesh dekar un jagadishvar ne yoganidra ka ashray liya. tadanantar unake nabhikamal mean virajaman brahma ji jab madhu aur kaitabh se pi dit hue, tab unhoanne isi stotr se moolaprakriti eeshvari ka stavan kiya. |
tika tippani aur sandarbh
sanbandhit lekh
adhyay | vishay | prishth sankhya |