vishay soochi
brahm vaivart puran
ganapatikhand: adhyay 14-15
parvati ko devataoan dvara kartikey ka samachar prapt hona, shiv ji ka krittikaoan ke pas dootoan ko bhejana, vahaan kartikey aur nandi ka sanvad tadanantar, pahale shankar ka viry prithvi par girane se kartikey ke utpann hone ki bat ayi thi, usi ke sambandh mean bat chhi dane par– shridharm ne kaha– bhagavan! prakop ke karan rati se uthate hue shankar ji ka vah amogh viry bhootal par gira tha, vah mujhe jnat hai. bhoomi ne kaha– brahman! us viry ka vahan karana atyant kathin tha, isaliye jab maian usaka bhar sahan n kar saki, tab maianne use agni mean dal diya; atah mujh abala ko kshama kijiye. agni ne kaha– jagannath! maianne bhi us viry ka bhar uthane mean asamarth hokar use sarakandoan ke van mean pheank diya. bhala, durbal ka purusharth hi kya aur usaka yash hi kaisa? vayu ne kaha– vishno! svarnarekha nadi ke tat par sarakandoan mean gira hua vah viry turant hi atyant sundar balak ho gaya. shrisoory ne kaha– bhagavan! kalachakr se prerit hua maian us rote hue balak ko dekhakar astachal ki or chala gaya; kyoanki maian rat mean thaharane ke lie asamarth hooan. chandrama ne kaha– vishno! usi samay krittikaoan ka samuday badarikashram se a raha tha. unhoanne us rudan karate hue balak ko dekha aur use uthakar ve apane bhavan ko chali gayian. jal ne kaha– prabho! krittikaoan ne us rote hue shishu ko apane ghar lakar aur usake bhookhe hone par use apane stanoan se doodh pilakar badhaya. vah shiv-putr soory se bhi adhik prabhavashali tha. donoan sandhyaoan ne kaha– bhagavan! is samay vah balak chhahoan krittikaoan ka poshy putr hai. unhoanne svayan hi premapoorvak usaka ‘kartikey’ aisa nam rakha hai. ratri ne kaha– prabho! ve krittikaean us balak ko aankhoan se ojhal nahian karati haian. unake liye vah pranoan se bhi badhakar premapatr hai; kyoanki jo palan karane vala hota hai, usi ka vah putr kahalata hai. din ne kaha– dev! jo-jo vastuean triloki mean durlabh haian aur apane svad ke liye prashansit haian, unhian ko ve us balak ko khilati haian. |
tika tippani aur sandarbh
sanbandhit lekh
adhyay | vishay | prishth sankhya |