vishay soochi
brahm vaivart puran
prakritikhand : adhyay 35-37
bhagavati mahalakshmi ke prakaty tatha vibhinn vyaktiyoan se unake poojit hone ka tatha durvasa ke shap se mahalakshmi ke devalok-tyag aur indr ke duahkhi hokar brihaspati ke pas jane ka varnan narad ji ne kaha- bhagavan! maian dharmaraj aur savitri ke sanvad mean nirgun-nirakar paramatma shrikrishn ka nirmal yash sun chuka. vastav mean unake gunoan ka kirtan mangaloan ka bhi mangal hai. prabho! ab maian bhagavati lakshmi ka upakhyan sunana chahata hooan. vedavettaoan mean shreshth bhagavan! sarvapratham bhagavati lakshmi ki kisane pooja ki? in devi ka kaisa svaroop hai aur kis mantr inaki pooja hoti hai? ap mujhe inaka gunanuvad sunane ki kripa kijiye. bhagavan narayan bole- brahman! prachin samay ki bat hai. srishti ke adi mean parabrahm paramatma bhagavan shrikrishn ke vamabhag se rasamandal mean bhagavati shriradha prakat hueean. un param sundari shriradha ke charoan or vatavriksh shobha de rahe the. unaki avastha aisi thi, mano dvadashavarshiya devi hoan. nirantar rahane vala taruny unaki shobha badha raha tha. unaka divy vigrah aisa prakashaman tha, mano shvet champak ka pushp ho. un manoharini devi ke darshan param sukhi banane vale the. unaka prasannamukh sharatpoornima ke koti-koti chandramaoan ki prabha se poorn tha. unake vikasit netroan ke samane sharatkal ke madhyahnakalik kamaloan ki shobha chhip jati thi. parabrahma paramatma bhagavan shrikrishn ke sath virajaman rahane vali ve devi unaki ichchha ke anusar do roop ho gayian. roop, varn, tej, avastha, kanti, yash, vastr, akriti, abhooshan, gun, muskan, avalokan, vani, gati, madhur-svar, niti tatha anunay-vinay mean donoan (radha tatha lakshmi) saman thian. shriradha ke baanye aansh se lakshmi ka pradurbhav hua aur apane dahine aansh mean shriradha svayan hi vidyaman rahian. shriradha ne pratham paratpar prabhu dvibhuj bhagavan shrikrishn ko patiroop se svikar kar liya. bhagavan ka vah vigrah atyant kamaniy tha. mahalakshmi ne bhi shriradha ke var lene ke pashchath unhian ko pati banane ki ichchha ki. tab bhagavan shrikrishn unhean gaurav pradan karane ke vichar se hi svayan do roopoan mean prakat ho gaye. apane dakshin aansh se ve do bhujadhari shrikrishn hi bane rahe aur vam aansh se chaturbhuj vishnu ke roop mean parinat ho gaye. unhoanne mahalakshmi ko bhagavan vishnu ki seva mean samarpit kar diya. |
tika tippani aur sandarbh
sanbandhit lekh
adhyay | vishay | prishth sankhya |