vishay soochi
brahm vaivart puran
shrikrishn janm khand (uttararddh): adhyay 99
narad! atri, vasishth, chyavan, mahatapasvi bharadvaj, yajnavalky, bhim, gargy, mahatapasvi garg, vats, putrasahit dharm jaigishavy, parashar, pulah, pulasty, agasty, saubhari, sanak, sanandan, tisare sanatan, bhagavan sanatkumar, vodhu, panchashikh, durvasa, aangira, vyas, vyasanandan shukadev, kushik, kaushik, parashuram, rrishyashrriang, vibhandak, shrriangi, vamadev, gun ke sagar gautam, kratu, yati, aruni, shukrachary, brihaspati, ashtavakr, vaman, paribhadr, valmiki, pail, vaishampayan, pracheta, purujith, bhrigu, marichi, madhujit, prajapati kashyap, devamata aditi daityajanani diti, sumantu, subhanu, ek, katyayan, markandey, lomash, kapil, parashar, panini, pariyatr, munivar parijat, sanvart, utathy, nar, maian (narayan), vishvamitr, shatanand, jabali, taitir, yogiyoan aur jnaniyoan ke guru brahmaanshabhoot saandipani, upamanyu, gauramukh, maitrey, shrutashrava, kath, kach, karath, dharmajn bharadvaj- ye sabhi muni shishyoan sahit vasudev ji ko ashram par padhare. unhean aya dekhakar vasudev ji ne dand ki bhaanti bhoomipar letakar sabaki charan vandana ki. isi samay apane vahan hans par savar ho prasannamukh vale brahma, ratnanirmit viman par aroodh ho parvati sahit shankar, svayan nandi, mahakal, virabhadr, subhadrak, manibhadr, paribhadr, kartikey, ganeshvar, gajaraj airavat par baithe hue maheandr, dharm, chandrama, soory, kuber, varun, pavan, agni, sanyamanipuri ke svami yam, jayant, nalakoobar, sabhi grah, athoan vasu, ganoansahit gyarahoan rudr, barahoan adity, sheshanag tatha anekanek devagan bhi aye. vasudev ji ne bhaktipoorvak bhoomi par sir rakhakar un sabaki vandana ki aur bhaktivash mastak jhukakar param bhakti ke sath un rrishiganoan, devendroan tatha devaganoan ka stavan aranbh kiya. us samay unaka sharir harsh se pulakayaman ho raha tha. vasudevaji bole- jo parabrahma, param dham, parameshvar, paratpar, lokoan ke pratipalak, vedoan ke utpadak, srishtikarta, srishti ke karan aur sanatan dev haian; ve svayan brahma, jo devataoan, munindroan aur siddhendroan ke guru ke guru haian, svapn mean bhi jinake charanakamal ka kshanamatr ke lie darshan milana param durlabh hai, jinake smaranamatr se sabhi anisht door bhag jate haian, ve bhagavan shiv; jinake smaran se manushy sanpoorn sankatoan se par hokar kalyan ka bhagi ho jata hai, sarvapratham jinaki pooja hoti hai, jo devataoan ke agua aur shreshth haian, kalashoan par bhaktipoorvak mantroan dvara jinaka avahan karane se mangal hota hai, jo vighnoan ke vinashak haian, ve svayan sakshath bhagavan ganesh, devataoan ke poojy bhagavan kartikey- ye sab mere ghar aye haian. devataoan ki poojaniya paratpara sarvashreshtha mahalakshmi ne bhi mere grih mean padarpan kiya hai. jo lokoan ki adirupini, sarvashaktisvaroopa, mool prakriti, eeshvari, paratparoan mean bhi paramashreshth aur parabrahmasvaroopini haian; sharatkal mean bhaktipoorvak jinake charanoan ki samaradhana karake manushy apana abhisht siddh kar leta hai; jo paramadya, kripamayi aur kripaparavash ho bharat bhoomi par avirbhoot huee haian; un bhaktavatsala sakshat mata parvati ka sanpoorn devataoan aur ganoan ke sath mere mandir mean shubhagaman hua hai. durge! chooanki ap mere ghar padhari haian, atah maian dhany aur kritarth ho gaya. mera jivan saphal ho gaya. is prakar vasudev ji ne gale mean vastr baandhakar harshapoorvak kramashah paraspar sabhi devoan, munivaroan aur viproan ki stuti ki aur unhean prithak-prithak shreshth ratnasianhasanoan par baithaya. phir kramashah alag-alag unaki vidhivat pooja ki. tatpashchat bhaktibhavit hriday se ratn, mooanga, mani, moti maniky, hira, bhooshan, vastr, sugandhit chandan aur pushpamalaoan dvara brahma adi devataoan, munisamoohoan, brahmanoan aur purohit gargaji ka ek-ek karake varan kiya. tadanantar us shubh karm ke avasar par sabi ke madhyabhag mean sthit ek ramaniy ratnasianhasan par ganesh ji ka pooja ke lie varan kiya aur jisamean sat tirthoan ka jal, pushp-chandanayukt shital, suvasit svarg ganga ka jal, pushkar ka punyamay aur samudr ka jal bhara tha, us suvarn kalash se tatha shuddh panchamrit aur panchagavy se bhaktibhavasahit mantrochcharapoorvak ganesh ko snan karaya. phir agnishuddh vastr, ratnoan ka abhooshan, parijatapushpoan ki mala, gandh chandan, pushp, ratnoan ki mala aur aangoothi nivedit ki. narad! tatpashchat jo samast devataoan ke adhipati, shubhakarak, vighnoan ke vinashak, shant, aishvaryashali aur sanatan haian; un parvatinandan ganesh ki vasudev ji ne stuti ki. |
tika tippani aur sandarbh
sanbandhit lekh
adhyay | vishay | prishth sankhya |