vishay soochi
brahm vaivart puran
prakritikhand : adhyay 43
tadanantar man ko shant karake bhaktipoorvak stuti karane ke pashchath devi ko pranam kare. phal pradan karane vala yah uttam stotr samaved mean varnit hai. jo purush devi ke uparyukt ashtakshar mahamantr ka ek lakh jap karata hai, use avashy hi uttam putr ki prapti hoti hai, aisa brahma ji ne kaha hai. munivar! ab sampoorn shubhakamanaoan ko pradan karane vala stotr suno. narad! sabaka manorath poorn karane vala yah stotr vedoan mean gopy hai. ‘devi ko namaskar hai. mahadevi ko namaskar hai. bhagavati siddhi evan shanti ko namaskar hai. shubha, devasena evan bhagavati shashthi ko bar-bar namaskar hai. varada, putrada, dhanada, sukhada evan mokshada bhagavati shashthi ko bar-bar namaskar hai. moolaprakriti ke chhathe aansh se prakat hone vali bhagavati siddha ko namaskar hai. maya, siddhayogini, sara, sharada aur paradevi nam se shobha pane vali bhagavati shashthi ko bar-bar namaskar hai. balakoan ki adhishthatri, kalyan pradan karane vali, kalyan-svaroopini evan karmoan ke phal pradan karane vali devi shashthi ko bar-bar namaskar hai. apane bhaktoan ko pratyaksh darshan den vali tatha sabake liye sampoorn karyoan mean pooja prapt karane ki adhikarini svami kartikey ki pranapriya devi shashthi ko bar-bar namaskar hai. manushy jinaki sada vandana karate haian tatha devataoan ki raksha mean jo tatpar rahati haian, un shuddhasattvasvaroopa devi shashthi ko bar-bar namaskar hai. hiansa aur krodh se rahit bhagavati shashthi ko bar-bar namaskar hai. sureshvari! tum mujhe dhan do, priy patni do aur putr dene ki kripa karo. maheshvari! tum mujhe samman do, vijay do aur mere shatruoan ka sanhar kar dalo. dhan aur yash pradan karane vali bhagavati shashthi ko bar-bar namaskar hai. supoojite! tum bhoomi do, praja do, vidya do tatha kalyan evan jay pradan karo. tum shashthidevi ko bar-bar namaskar hai.’ is prakar stuti karane ke pashchath maharaj priyavrat ne shashthi devi ke prabhav se yashasvi putr prapt kar liya. brahman! jo purush bhagavati shashthi ke is stotr ko ek varsh tak shravan karata hai, vah yadi aputri ho to dirghajivi sundar putr prapt kar leta hai. jo ek varsh tak bhaktipoorvak devi ki pooja karake inaka yah stotr sunata hai, usake sampoorn pap vilin ho jate haian. mahan vandhya bhi isake prasad se santan prasav karane ki yogyata prapt kar leti hai. yah bhagavati devasena ki kripa se guni, vidvan, yashasvi, dirghayu evan shreshth putr ki janani hoti hai. kakavandhya athava mritavatsa nari ek varsh tak isaka shravan karane ke phalasvaroop bhagavati shashthi ke prabhav se putravati ho jati hai. yadi balak ko rog ho jae to usake mata-pita ek mas tak is stotr ka shravan karean to shashthi devi ki kripa se us balak ki vyadhi shant ho jati hai. |
tika tippani aur sandarbh
sanbandhit lekh
adhyay | vishay | prishth sankhya |