shrimadbhagavadgita sadhak-sanjivani hindi-tika -svami ramasukhadas
panchadash adhyay
bhagavan ko janane vala vyakti kitana hi kam padha-likha kyoan n ho, vah sab kuchh janane vala hai; kyoanki us n janane yogy tattv ko jan liya. usako aur kuchh bhi janana shesh nahian hai. jo manushy bhagavan ko ‘purushottam’ jan leta hai, us ‘sarvavith’ manushy ki pahachan yah hai ki vah sab prakar se svatah bhagavan ka hi bhajan karata hai. jab manushy bhagavan ko ‘kshar se atit’ jan leta hai, tab usaka man (rag) kshar (sansar) se hatakar bhagavan mean lag jata hai aur jab vah bhagavan ko ‘akshar se uttam’ jan leta hai, tab usaki buddhi (shraddha) bhagavan mean lag jati hai.[1] phir usaki pratyek vritti aur kriya se svatah bhagavan ka bhajan hota hai. is prakar prakar se bhagavan ka bhajan karana hi ‘avyabhicharini bhakti’ hai. sharir, iandriyaan, man, buddhi adi saansarik padarthoan se jab tak manushy ragapoorvak apana sanbandh manata hai, tab tak vah sab prakar se bhagavan ka bhajan nahian kar sakata. karan ki jahaan rag hota hai, vritti svatah vahian jati hai. ‘maian bhagavan ka hooan aur bhagavan hi mere haian’- is vastavikata ko dridhatapoorvak man lene se svatah sab prakar se bhagavan ka bhajan hota hai. phir bhakt ki matr kriyaean (sona, jagana, bolana, chalana, khana-pina adi) bhagavan ki prasannata ke lie hi hoti hai, apane lie nahian. jnanamarg mean ‘janana’ aur bhaktimarg mean ‘manana’ mukhy hota hai. jis bat mean kinchinmatr bhi sandeh n ho, use dridhatapoorvak ‘manana’ hi bhaktimarg mean ‘janana’ hai. bhagavan ko sarvopari man lene ke bad bhakt sab prakar se bhagavan ka hi bhajan karata hai.[2] bhagavan ko ‘purushottam’ (sarvopari) manane se bhi manushy ‘sarvavith’ ho jata hai, phir sab prakar se bhagavan ka bhajan karate hue bhagavan ko ‘purushottam’ jan jay- isamean to kahana hi kya hai! sanbandh- ‘arundhati-darshan-nyay’- (sthool se kramashah sookshm ki or jane) ke anusar bhagavan ne is adhyay mean pahale ‘kshar’ aur phir ‘akshar’ ka vivechan karane ke bad aant mean ‘purushottam’ ka varnan kiya- apane purushottamatv ko siddh kiya. aisa varnan karane ka tatpary aur prayojan kya hai- isako bhagavan age ke shlok mean batate haian. |
tika tippani aur sandarbh
- ↑ kisi vishesh mahattvapoorn bat par man ragapoorvak tatha buddhi shraddhapoorvak lagati hai.
- ↑ gita 10:8
sanbandhit lekh
shlok sankhya | vishay | prishth sankhya |
varnamala kramanusar lekh khoj