shrimadbhagavadgita sadhak-sanjivani hindi-tika -svami ramasukhadas
dvadash adhyay
karmayog ke sadhak ko akarmany nahian hona chahie; kyoanki karmaphal-tyag ki bat sunakar prayah sadhak sochata hai ki jab kuchh lena hi nahian hai, to phir karmoan ko karane ki kya jaroorat! isalie bhagavan ne doosare adhyay ke saiantalisavean shlok mean karmayog ki bat kahate hue ‘ma te sangoastvakarmani’ ‘teri karm n karane mean asakti n ho’- yah kahakar sadhak ke lie akarmanyata (karm ke tyag) ka nishedh kiya hai. atharahavean adhyay ke navean shlok mean bhagavan ne sattvik tyag ke lakshan batate hue karmoan mean phalasakti ke tyag ko hi ‘sattvik tyag’ kaha hai, n ki svaroop se karmoan ke tyag ko. phalasakti ka tyag karake kriyaoan ko karate rahane se kriyaoan ko karane ka veg shaant ho jata hai aur purani asakti mit jati hai. phal ki ichchha n rahane se karmoan se sarvatha sanbandh-vichchhed ho jata hai aur nayi asakti paida nahian hoti. phir sadhak kritakrity ho jata hai. padarthoan mean rag, asakti, kamana, mamata, phalechchha adi hi kriyaoan ka veg paida karane vali hai. inake rahate hue hathapoorvak kriyaoan ka tyag karane par bhi kriyaoan ka veg shaant nahian hota. rag-dvesh rahane ke karan sadhak ki prakriti punah use karmoan mean laga deti hai. atah rag-dveshadi ka tyag karake nishkam bhavapoorvak kartavy-karm karane se hi kriyaoan ka veg shaant hota hai. jin sadhakoan ki sagun-sakar bhagavan mean svabhavik shraddha aur bhakti nahian hai, pratyut vyavaharik aur lokahit ke kary karane mean hi adhik shraddha aur ruchi hai, aise sadhakoan ke lie yah (sarvakarmaphalatyag-roop) sadhan bahut upayogi hai. bhagavan ne jahaan bhi karmaphal tyag ki bat kahi hai, vahaan asakti aur phalechchha ke tyag ka adhyahar kar lena chahie; kyoanki bhagavan ke mat mean asakti aur phalechchha ka poori tarah tyag hone se hi karmoan se sarvatha sanbandh-vichchhed hota hai.[2] |
tika tippani aur sandarbh
sanbandhit lekh
shlok sankhya | vishay | prishth sankhya |
varnamala kramanusar lekh khoj