vishay soochi
bharat savitri -vasudevasharan agraval
3. aranyak parv
adhyay : 89-153
26. tirth-yatra-2
is prakar margashirsh ki poornamasi bitane par agale din pushy nakshatr mean valkal-chir, mrigacharm aur jata dharan karake unhoanne prasthan kiya. sath mean indrasen-pramukh unake niji bhrity, kuchh rasoiye aur paricharak tatha chaudah rath bhi chale. poorv ki or chalate hue ve kramashah naimisharany mean pahuanche, jahaan gomati nadi ke puny tirth haian. vahaan se kanyatirth (sambhavatah kanyakubj), ashvatirth (kannauj ke samip ganga-kalindi-sangam), gotirth, balakoti aur vrishaprasth giri hote hue unhoanne bahuda nadi mean snan kiya. bahuda ki pahachan ke vishay mean matabhed hai, par sambhavatah yah ramaganga thi. vahaan se age devayajan-bhoomi ganga-yamuna ke sangam prayag mean pahuanche. yahian prajapati ki yajn-vedi thi. isake anantar prayag se dakshin ki or ke sthan mahidhar ka ullekh hai, jo vartaman maihar ka purana nam tha. poorab ki or rajarshi gay ke tirth gayashirsh ka ullekh hai. vahaan bhi ek akshayavat tha. vahaan pandavoan ne ek chaturmasy bitaya. isi prasang mean mahabharat ki drishti punah dakshin ki or jati hai aur vah agasty-ashram ka varnan karate haian. yah sthan kalianjar ke bich mean kahian tha. mahabharat mean agasty-ashram ko durjayapuri kaha gaya hai. prayag se lekar nasik tak evan usase bhi age dakshini samudr tak agasty ke ashramoan ki parampara kee sthanoan mean bataee jati hai. yahaan agastay-ashram ke samip hi bhagirathi ka ullekh hai. usase jnat hota hai ki prayag ke dakshin ki or ganga ke kachhar mean kahian ek agasty ashram tha. manimatipuri mean rahane vale ilval aur usake bhaee vatapi ke upadrav ko agasty ne shant kiya tha. vidarbharaj ki putri lopamudra ne agasty ko apana pati chuna. tab donoan ne ganga-dvar mean jakar tap kiya aur unase dridhasyu idhmavah namak putr hua. agasty ki katha sankshep mean sunakar yudhishthir ne phir vistar se usi katha ko janana chaha. |
tika tippani aur sandarbh
sanbandhit lekh
kr.s. | vishay | prishth sankhya |
varnamala kramanusar lekh khoj