shrimadbhagavadgita sadhak-sanjivani hindi-tika -svami ramasukhadas
ashtadash adhyay
asaktabuddhi: sarvatr jitatma vigatasprih: .
naishkarmyasiddhian paramaan sannyasenadhigachchhati ॥49॥
arth- sarvatr asakti rahit buddhi vala, spriharahit aur jite hue ant:karan vala purush saankhyayog ke dvara us param naishkarmyasiddhi ko prapt hota hai.
vyakhya- sannyas (saankhy) yog ka adhikari hone se hi siddhi hoti hai. atah usaka adhikari kaisa hona chahie- yah batane ke lie shlok ke poorvarddh mean tin batean batayi haian-
1. ‘asaktabuddhiah sarvatr’- jisaki buddhi sab jagah asaktirahit hai arthat desh, kal, ghatana paristhiti, vastu, vyakti, kriya, padarth adi kisi mean bhi jisaki buddhi lipt nahian hoti.
2. ‘jitatma’- jisane sharir par adhikar kar liya hai arthat jo alasy, pramad adi se sharir ke vashibhoot nahian hota, pratyut isako apane vashibhoot rakhata hai. tatpary hai ki vah kisi kary ko apane siddhaantapoorvak karana chahata hai to us kary mean sharir tatparata se lag jata hai aur kisi kriya, ghatana, adi se hatana chahata hai to vah vahaan se hat jata hai. is prakar jisane sharir par vijay kar li hai, vah ‘jitatma’ kahalata hai.
3. '‘vigatasprihah’- jivan-dharanamatr ke lie jinaki vishesh jaroorat hoti hai, un chijoan ki sookshm ichchha ka nam ‘spriha’ hai; jaise- sag-patti kuchh mil jae, rookhi-sookhi roti hi mil jae, kuchh n kuchh khae bina ham kaise ji sakate haian! jal pie bina ham kaise rah sakate haian! thandi ke dinoan mean kap de bilakul n hoan to ham kaise ji sakate haian! saankhyayog ka sadhak in jivan-nirvah-sanbandhi avashyakataoan ki bhi paravah nahian karata.
tatpary yah hua ki saankhyayog mean chalane vale ko jadata ka tyag karana p data hai. us jadata ka tyag karane mean uparyukt tin batean ayi haian. asaktabuddhi hone se vah jitatma ho jata hai, aur jitatma hone se vah vigatasprih ho jata hai, tab vah saankhyayog ka adhikari ho jata hai.
‘naishkarmyasiddhian paramaan sannyasenadhigachchhati’- aisa asaktabuddhi, jitatma aur vigatasprih purush saankhyayog ke dvara param naishkarmyasiddhi ko arthat naishkarmyaroop paramatmatattv ko prapt ho jata hai. karan ki kriyamatr prakriti mean hoti hai aur jab svayan ka us kriya ke sath leshamatr bhi sanbandh nahian rahata, tab koee bhi kriya aur usaka phal us par kinchinmatr bhi lagoo nahian hota. atah usamean jo svabhavik, svatah siddh nishkarmata- nirliptata hai, vah prakat ho jati hai.
sanbandh- ab us param siddhi ko prapt karane ki vidhi batane ki pratijna karate haian.
|