shri shrichaitany-charitavali -prabhudatt brahmachari38. vahi premonmad
mahaprabhu ke bhakt ho jane ki bat sunakar ve thahaka marakar hansane lage aur vidyarthiyoan se kahane lage- ‘haan, suna to maianne bhi hai ki nimaee ab bhakt ban aya hai. pandit hokar us par yah kya bhoot savar ho gaya- yah to anapadh moorkhoan ka kam hai. brahman pandit ko to nirantar shastroan ke adhyayan-adhyapan mean hi lage rahana chahiye. khair, ab tum log apane-apane sthanoan ko jao. kal use mere pas bhej dena, maian use samajha dooanga. meri bat ko vah kabhi nahian talata hai.’ itana sunakar vidyarthi apane-apane sthanoan par chale gaye. doosare din prabhu se vidyarthiyoan ne kaha- ‘achary ji ne aj apako apane yahaan bulaya hai, age apaki ichchha hai, aj jaiye ya phir kisi din ho aiye.’ achary gangadas ji ka bulava sunakar prabhu usi samay do-char vidyarthiyoan ko sath lekar unake sthan par pahuanche. vahaan jakar prabhu ne apane vidyaguru ke charanoan ki vandana ki, gangadas ji ne bhi unaka putr ki bhaanti aliangan kiya aur baithane ke liye ek asan ki or sanket kiya. achary ki ajna pakar unake bataye hue asan par prabhu baith gaye. prabhu ke baith jane par sath ke vidyarthi bhi pichhe ek or hatakar pathashala ki bichhi huee chataiyoan par baith gaye. prabhu ke sukhapoorvak baith jane par vatsaly-prem prakat karate hue achary gangadas ji ne kaha- ‘nimaee! tum mere priy vidyarthi ho, maian tumhean putr ki bhaanti pyar karata hooan. shastroan mean kaha hai, apane pyare ki usake mukh par b daee n karani chahiye, kyoanki aisa karane se usaki ayu kshin hoti hai, kintu yatharth bat to kahi hi jati hai. tumane meri pathashala ke nam ko sarthak bana diya hai, tum-jaise yogy vidyarthiyoan ko vidya padhakar mera itana dinoan ka parishram se padhana saphal ho gaya. tumane apane prakand pandity dvara mere mukh ko ujjval kar diya. maian tumase bahut hi prasann hooan.’ achary ke mukh se apani itani prashansa sunakar prabhu lajjitabhav se niche ki or dekhate hue chupachap baithe rahe, unheaanne in batoan ka kuchh bhi uttar nahian diya. achary gangadas ji phir kahane lage- ‘yogy banane ke anantar tum adhyapak hue aur tumane adhyapan-kary mean bhi yatheshth khyati prapt ki. tumhare sabhi vidyarthi sada tumhare shil-svabhav ki tatha padhane ki saral sundar pranali ki prashansa karate rahate haian, ve log tumhare siva doosare kisi ke pas padhana pasand hi nahian karate. kintu kal unhoanne akar mujhase tumhari shikayat ki hai. tum unhean ab manoyog ke sath thik-thik nahian padhate ho. aur logoan ne bhi mujhase akar kaha hai ki tum anapadh moorkhabhaktoan ki bhaanti rote-gate tatha hansate-koodate ho, ek itane bhari adhyapak ko aisi batean shobha nahian detian! tum vidvan ho, samajhadar ho, medhavi ho. |
tika tippani aur sandarbh
sanbandhit lekh
kram sankhya | vishay | prishth sankhya |