shri shrichaitany-charitavali -prabhudatt brahmachari
131. shri roop aur sanatan
pita ne apane tinoan putroan ko suyogy pandit banana chaha, isaliye navahati ke prasiddh pandit shrisarvanand siddhantavachaspati se unhoanne in logoan ko sanskrit ki shiksha dilayi. un dinoan pharasi rajabhasha thi.
rajakiy kamoan mean pharasi ka hi bolabala tha. pharasi padha hua hi sabhy aur vidvan samajha jata tha, use hi rajy mean b di-b di naukariyaan mil sakati thi. pharasi padha-likha sadharan kam nahian kar sakata tha. maloom p data hai, jab log bahut adhik sankhya mean pharasi padhe-likhe ho gaye aur un ki bekadari hone lagi tabhi yah lokokti bani hogi-'padhe pharasi beche tel. yah dekho vidhana ka khel..' astu, roop-sanatan ke poojy pita ji ne apane putroan ko sanskrit ke sath-hi-sath pharasi ka bhi pandit banana chaha. isaliye saptagram ke bhoomyadhikari saiyad phakaruddin se in logoan ko arabi-pharasi ki shiksha dilayi. ye medhavi aur tikshnabuddhi ke to baly kal se hi the, isaliye tho de hi dinoan mean sanskrit, arabi aur pharasi ke achchhe pandit ho gaye. un dinoan maladhar vansu (gunaraj khaan) gau d ke badashah husenashah ke rajamantri the. ve gunagrahi tatha kavihriday ke the. unhoanne 'shrikrishnavijay' namak ek bangala kavy ki bhi rachana ki thi jisaka 'nandanandan krishn mor prananath' yah pad mahaprabhu ko bahut hi pasand tha. unase in logoan ka parichay ho gaya. ve inaki kushagrabuddhi aur pratyutpann mati se bahut hi santusht hue aur inhean rajadarabar mean naukar kara diya. ye apani buddhi ki tikshnata aur karyapatuta ke karan shighr hi badashah ke param kripapatr ban gaye aur badashah ne prasann hokar inhean apana rajamantri banaya. padavriddhi ke sath inaki vaibhavavriddhi bhi ho ne lagi, sath hi hindu-dharm ki kattarata bhi kam hone lagi. inhean musalamanoan se koee parahej nahian tha. brahman hone par bhi inaka khan-pan tatha vesh-bhoosha sab musalaman reesoan ka-sahi tha. yahaan tak ki badashah ne inake nam bhi musalamanoan ke-se hi rakh diye.
badashah sanatan ko 'dabir khas' aur roop ko 'shakir mallik' ke nam se pukarata tha. rajy mean ye inhian namoan se prasiddh the. inake purane nam ko koee janata bhi nahian tha. inhoanne apane rahane ke nimitt gau d ke samip hi ram keli nam se ek naya nagar basaya aur usi mean apana sundar-sa mahal banakar khoob that-bat ke sath rahate the. inake acharan chahe kaise bhi hoan, kintu ye sanskrit ke vidvan panditoan ko tatha sadhu-vaishnavoan ka sada samman karate rahate the. ram keli se tho di door par inhoanne 'kanhaee natashala' nam se ek moorti-sangrahalay banavaya tha. usamean shrikrishn ki lila-sambandhi anek prakar ki bahut-si moortiyaan thian. unamean se kuchh to ab tak bhi vidyaman haian.
|