bharat savitri -vasudevasharan agraval
khand : 1
narve, aisalaiand adi uttarakhandavarti deshoan ki prachin gathaoan ke vidvan aj muktakanth se simand aur usake putr snori ki pratibha ka gunagan karate haian, jinhoanne aryoan ki hi ek shakha tyootan logoan ki prachin gathaoan ka sangrah 11vian-12vian shati ke lagabhag kiya. simand ne ‘poitik edda’ ke nam se sab upakhyanoan ko ekatr kiya. tadanantar usake pautr snori starlesan ne jisaka janm san 1179-1181 ke bich hua tha aur jo pichhe se aisalaiand ka rashtrapati bhi ban gaya tha, un sab kathaoan ka gady roop mean ek atyant utkrisht sanskaran taiyar kiya. aj yahi bat ham vyas, shuk aur lomaharshan ke lie bhi kah sakate haian jinhoanne simand aur snori se sahasroan varsh pahale aryoan ke virat gatha-vanmay ko apane kavy mean gooanthakar use sada ke lie amar kar diya. isi karan mahabharat ved aur puranoan ke upakhyanoan ka akshay bhandar bana hua hai. ‘edda’ aur ‘sagaoan’ ke lie prakhyat lekhak karalail ne likha hai ki ye itani mahan kritiyaan haian ki inhean kianchit svalp kar dene par sheksapiyar, daante, gete ban jayange. sheksapiyar, daante aur gete ke sthan par bhas, kalidas, magh, bharavi aur harsh ka nam rakh dene se ye hi udgar vedavyas ke lie thik ghatit hote haian. svayan mahabharat mean kaha haiah
‘aangoan aur upanishadoan ke sath charoan vedoan ka jise jnan hai, kintu jo is mahabharat sanjnak akhyan ko nahian janata, use vilakshan nahian kah sakate. is upakhyan ko sun lene ke bad aur kuchh achchha nahian lagata, jaise koyal ka madhur svar sun lene par kauvoan ke rookhe bol nahian suhate. is uttam itihas se kaviyoan ki vishal pratibhaean janm leti haian. is akhyan ka ashray liye bina prithvi par kisi katha ka astitv nahian hai, vaise hi jaise ahar ke bina sharir dharan nahian kiya ja sakata. sare shreshth kavi is akhyan ka ashray lete haian. sab agamoan mean yah itihas shreshth hai aur arthoan ki drishti se pradhan hai. is uttam itihas mean bhagavan vedavyas ki uttam buddhi usi prakar otaprot hai, jis prakar svar aur vyanjanoan mean lok aur ved ki samast vani arpit hai. prajna se samriddh is bharat itihas ka shravan karana chahie.’[2] mahabharat ke oj-poorn pravah ke kitane hi prakaranoan ki gooanj rashtr ke kanoan mean anek shatabdiyoan ke bit jane par bhi barabar sunaee deti rahi hai. shatasahasr shakhaoan mean phaile hue puran vatavriksh ke niche akhand samadhi mean virajaman maharshi vedavyas ne dharmasanjnak kisi aparimey evan achinty tattv ka svayan sakshatkar kiya tatha apani alaukik kavy pratibha dvara use sab janoan ke hitarth mahabharat mean nibaddh kar diya. unake bhagirath tap se jo dharmambuvati jnanaganga pravahit huee usaki saras dhara mean samast rashtr ne sahasroan varshoan tak avagahan kiya hai. jab tak bhoomandal par chandr aur soory ka prakash hai, jab tak agnishomiy purush ka manaviy vyavahar jagat mean chaloo hai, jab tak ganga-yamuna ke tatoan par akashachari hans prati nirmal sharad mean utarate haian, tab tak bhagavan ki anant mahima ko prakhyat karane vala yah jay namak itihas lok mean amar rahega. |
tika tippani aur sandarbh
sanbandhit lekh
kr.s. | vishay | prishth sankhya |
varnamala kramanusar lekh khoj