nandanandan -sudarshan sianh 'chakr'
78. mangal-arisht-sanhar
maian yuddh ka-sangharsh ka, shakti ka, ushnata ka, agni ka, rakt ka adhishthata hooan aur ap shakti tatha sangharsh ke bina mangal ki asha to nahian kar sakate. srishtikarta brahmaji ne mujhe apana arun varn diya hai. maian rajogun ka svaroop hooan. atev rajomayi mata bhoomi mean meri bhakti hai. bhoomi prani ko meri prasannata se prapt hoti hai. meri mata bhagavati bhoo devi hi dharm ki mata hai. sattvagun bhi inhian ke vatsaly se pusht hota hai. himojval vrish-roop dharm mere shraddhey agraj haian. ve jisake sath haian, jis par sanukool haian, srishti ke sampoorn sangharshoan mean maian yuddh ka adhidevata usake sath. atah vijayishri ki varamala sada usaki. shrihari sachchidanand svaroop haian, atah unaki chhaya hi prakriti mean sattv, raj, tamogun ka roop banati hai. tam ki sthoolata hi to satta hai. bhoo devi satta svaroopa hai. bhagavan barah ne inaka rasatal se uddhar kiya to un yajnamoorti ke sparsh se mere anuj narakasur ki utpatti ho gayi. narak to prani pata hai deh-tyag ke pashchat. pahile usaka poorvakrit apakarm arisht banakar use klesh dene ata hai. arisht bhi vrishabh hi hai; kiantu jahaan dharm shant, ujjval vrishabh roop hai, arisht kala, ghor ugr vrishabh hai. dharm devata hai aur arisht asur hai. kali ke sakshat roop kans ne arisht ko apana sevak bana liya. sur bhi santrast rahate the usase arisht jahaan pahuanchega, anisht ki hi to ashanka hogi. maian bhale kroor grah hooan, arisht bhi hota hooan; kiantu dev hooan. bhagavati dhara ka putr hooan. apane agraj dharm ka anugami hooan aur unake ashritoan ke anukool hi rahata hooan; kiantu arisht asur hokar- dhara ka putr hokar bhi kans ka sevak ho gaya. keval dhvans ko apanaya isane. atank, ashanka hi sarvatr phailata phira. arisht antatah mera anuj hai. narak bhi mera anuj hi hai. maian donoan ko sneh, samarthan, shakti, vijay dene vala bana rahata; kiantu meri bhi sima hai. ye jab meri mata ka hi uchchhed karane par utar avean, sakshat shrihari ke hi pratikool hoan to maian inake sath kuputr to nahian ban sakata. tab mujhe pita ke paksh mean rahana hi chahiye aur mangal ka rosh to mrityu banakar utarata hai, mitakar hi manata hai. mujhe kahaan mitana hai. ye bhoobhar haran karane jo paramapurush prithvi par padhare haian, inhoanne to ek or se apane charanashritoan ke liye, apane charu-charit-chintakoan ke lie adh, pootana-maya, dhenuk-deha dhyasadi ko mitana prarambh kar diya hai. adh, arisht, mur-bandhan tatha narak ko ye rahane de sakate haian? inaka avataran hi in sabako niahshesh kar dene ke lie hai. |
sanbandhit lekh
kram sankhya | path ka nam | prishth sankhya |
varnamala kramanusar lekh khoj