shriradha madhav chintan -hanuman prasad poddar
shriradhaji kaun thi?atev shriradhikaji premamayi haian aur bhagavan shrikrishn anandamay haian. jahaan anand hai, vahian prem hai aur jahaan prem hai, vahian anand hai. anand ras sar ka ghanibhoot vigrah shrikrishn haian aur prem ras sar ki ghanibhoot moorti shriradharani haian. atev shriradha aur shrikrishn ka bichhoh kabhi sambhav hi nahian. n shriradha ke bina shrikrishn kabhi rah sakate haian aur shrikrishn ke bina shriradhaji. shrikrishn ke divy anandavigrah ki sthiti hi divy premavigrah roopa shriradhaji ke nimitt se hai. shriradharani hi shrikrishn ki jivan svaroopa haian aur isi prakar shrikrishn hi shriradha ke jivan haian. divy premarasasar vigrah hone se hi shriradharani mahabhavaroopa haian aur vah nity-nirantar anandarasasar rasaraj, anant aishvary- anant-saundary-madhury-lavanyanidhi, sachchidanand-sandraang, avichintyashakti, atmaramaganakarshi priyatam shrikrishn ko anand pradan karati rahati haian. is hladini shakti ki lakho anugamini shaktiyaan moortimati hokar pratikshan, sakhi, manjari, sahachari aur dooti adi roopoan mean shriradhakrishn ki seva kiya karati haian; shriradhakrishn ko sukh pahuanchana aur unhean prasann karana hi inaka ekamatr kary hota hai. inhian ka nam shrigopijan hai. nity anandamay, nity tript, nity ekaras, koti-koti-brahmand-vigrah, poornabrahm paramatma mean sukhechchha kaise ho sakati hai? yah prashn yuktisangat pratit hone par bhi isi ko siddhant nahian mana ja sakata. bhav aur prem paramatma se prithak vastu nahian hai. premashray ka bhav premavishay ka bhav premashray mean anubhoot hua karata hai. shrigopijan prem ka ashray hai aur shrikrishn prem ke vishay haian. shrigopiyoan ka aprakrit divy bhav hi parabrahm mean divy sukhechchha utpann kar deta hai. prem ka mahanh uchch bhav hi un poorn kam mean kamana, nityatript mean atripti, kriyahin mean kriya aur anandamay mean anand ki vasana jagrat kar deta hai. avashy hi yah sukhechchha, kamana, atripti, kriya ya vasana jad indriyajany nahian hai, is marty jagat mayamayi vastu nahian hai; kyoanki vah divy anand aur divy prem abhinn hai. shrikrishn aur shriradharani sada abhinn haian. |
sanbandhit lekh
kramaank | path ka nam | prishth sankhya |
varnamala kramanusar lekh khoj