chaturdash adhyay
sambandh- gyarahavean, barahavean aur terahavean shlokoan mean sattv, raj aur tamogun ki vriddhi ke lakshanoan ka kram se varnan kiya gaya; phir sattvadi gunoan ki vriddhi mean marane ka prithakh-prithakh phal batalaya gaya. is par yah janane ki ichchha hoti hai ki ‘jnan’ adi ki utpatti ko sattv adi gunoan ki vriddhi ke lakshan kyoan mana gaya? atev kary ki utpatti se karan ki satta ko jan lene ke liye jnan adi ki utpatti mean sattv adi gunoan ko karan batalate haian-
sattvatasanjayate jnanan rajaso lobh ev ch .
pramadamohau tamaso bhavatoajnanamev ch .. 17 ..
sattvagun se jnan utpann hota hai aur rajogun se nissandeh lobh; tatha tamogun se pramad aur moh utpann hote haian aur ajnan bhi hota hai.. 17 ..
prashn- sattvagun se jnan utpann hota hai, is kathan ka kya bhav hai?
uttar- yahaan ‘jnan’ shabd upalakshanamatr hai. atev is kathan se yah samajhana chahiye ki jnan, prakash aur sukh, shanti adi sabhi sattvik bhavoan ki utpatti sattvagun se hoti hai.
prashn- rajogun se lobh utpann hota hai, is kathan ka kya abhipray hai?
uttar- ‘lobh’ shabd ka prayog bhi yahaan upalakshanamatr hi hai. is kathan se bhi yahi samajhana chahiye ki lobh, pravritti, asakti, kamana, svarthapoorvak karmoan ka arambh adi sabhi rajasabhavoan ki utpatti rajogun se hoti hai.
prashn- pramad, moh aur ajnan ki utpatti tamogun se batalakar is vaky mean ‘ev’ pad ke prayog karane ka kya bhav hai?
uttar- ‘ev’ pad ka prayog karake yah bhav dikhalaya hai ki tamogun se pramad, moh aur ajnan to utpann hote hi haian; inake siva nidra, alasy, aprakash, apravritti adi jitane tamas bhav haian- ve sab bhi tamogun se hi utpann hote haian.
|