chaturdash adhyay
sambandh- is prakar tinoan gunoan ki vriddhi ke bhinn-bhinn lakshan batalakar ab do shlokoan mean un gunoan mean se kis gun ki vriddhi ke samay marakar manushy kis gati ko prapt hota hai, yah batalaya jata hai-
yada sattve pravriddhe tu pralayan yati dehabhrith .
tadottamavidaan lokanamalanpratipadyate .. 14 ..
jab yah manushy sattvagun ki vriddhi mean mrityu ko prapt hota hai, tab to uttam karm karane valoan ke nirmal divy svargadi lokoan ko prapt hota hai.. 14 ..
prashn- ‘yada’ aur ‘tada’- in kalavachi avyay padoan ka prayog karake kya bhav dikhalaya gaya hai tatha sattvagun ki vriddhi mean mrityu ko prapt hona kya hai?
uttar- ‘yada’ aur ‘tada’- in kalavachi avvay padoan ka prayog karake yah dikhalaya gaya hai ki is prakaran mean aise manushy ki gati ka niroopan kiya jata hai, jisaki svabhavik sthit doosare gunoan mean hote hue bhi sattvik gun ki vriddhi mean mrityu ho jati hai. aise manushy mean jis samay poorv sanskar adi kisi karan se sattvagun badh jata hai- arthath jis samay gyarahavean shlok ke varnananusar usake samast sharir, indriy aur antahkaran mean ‘prakash’ aur ‘jnan’ utpann ho jata hai- us samay sthool sharir se man, indriy aur pranoan ke sahit jivatma ka sambandh-vichchhed ho jana hi sattvagun ki vriddhi mean mutyu ko prapt hona hai.
prashn- ‘dehabhrith’ pad ke prayog ka kya bhav hai?
uttar- ‘dehabhrith’ pad ka prayog karake yah bhav dikhalaya gaya hai ki jo dehadhari haian, jinaki sharir mean ahanta aur mamata hai unhian ki punarjanmaroop bhinn-bhinn gatiyaan hoti haian; jinaka sharir mean abhiman nahian hai, aise jivanmukt mahatmaoan ka avagaman nahian hota.
prashn- ‘lokanh’ ke sath ‘amalanh’ visheshan dene ka ‘uttamavidamh’ pad ke prayog ka kya bhav hai?
uttar- ‘lokanh’ pad ke sath ‘amalanh’ visheshan dekar yah bhav dikhalaya gaya hai ki sattvagun ki vriddhi mean marane valoan ko jin lokoan ki prapti hoti hai, un lokoan mean mal arthath kisi prakar ka dosh ya klesh nahian hai; ve divy prakashamay, shuddh aur sattvik haian. yahaan ‘uttamavidamh’ pad mean uttam shabd se shastravihit karm aur upasana ka lakshy hai. usako janane vale yani nishkamabhav se karane vale manushy ‘uttamavith’ kahalate haian. ve ukt karmopasana ke prabhav se jin lokoan ko prapt karate haian, sattvagun ki vriddhi mean marane vala sattvagun ke sambandh se unhian lokoan ko prapt kar leta hai.
|