dvitiy adhyay
sambandh- barahavean aur terahavean shlokoan mean bhagavanh ne atma ki nityata aur nirvikarata ka pratipadan kiya tatha chaudahavean shlok mean indriyoan ke sath vishayoan ke sanyogoan ko anity batalaya, kiantu atma kyoan nity hai aur ye sanyog kyoan anity hai? isaka spashtikaran nahian kiya gaya; atev is shlok mean bhagavanh nity aur anity vastu ke vivechan ki riti batalane ke liye donoan ke lakshan batalate haian-
nasato vidyate bhavo nabhavo vidyate sat: .
ubhayorapi drishtoantastvanayostattvadarshibhi:.. 16..
asath vastu ki to satta hi nahian hai aur sath ka abhav nahian hai. is prakar in donoan ka hi tattv tattvajnani purushoan dvara dekha gaya hai.. 16 ..
prashn- ‘asatah’ pad yahaan kisaka vachak hai aur ‘usaki satta nahian hai’ is kathan ka kya abhipray hai?
uttar- ‘asatah’ pad yahaan parivartanashil sharir, indriy aur indriyoan ke vishayoan sahit samast jadavarg ka vachak hai aur ‘usaki satta yani bhav nahian hai’ isase bhagavanh ne yah bhav dikhalaya hai ki vah jis kal mean pratit hota hai, usake pahale bhi nahian tha aur pichhe bhi nahian rahega; atev jis samay pratit hota hai, us samay bhi vastav mean nahian hai. isaliye yadi tum bhishmadi svajanoan ke shariroan ke ya any kisi jad vastu ke nash ki ashanka se shok karate ho to tumhara yah shok karana anuchit hai.
prashn- ‘satah’ pad yahaan kisaka vachak hai aur ‘usaka abhav nahian hai’ is kathan ka kya abhipray hai?
uttar- ‘satah’ pad yahaan paramatmatattv ka vachak hai, jo sarvavyapi hai aur nity hai. ‘usaka abhav nahian hai’ is kathan se yah bhav dikhalaya gaya hai ki usaka kabhi kisi bhi nimitt se parivartan ya abhav nahian hota. vah sada ekaras, akhand aur nirvikar rahata hai. isaliye yadi tum atmaroop se bhishmadi ke nash ki ashanka karake shok karate ho, to bhi tumhara shok karana uchit nahian hai.
prashn- ‘anayoah’ visheshan ke sahit ‘ubhayoah’ pad kinaka vachak hai aur tattvadarshi jnani purushoan dvara unaka tattv dekha jana kya hai?
uttar- ‘anayoah’ visheshan ke sahit ‘ubhayoah’ pad uparyukt ‘asath’ aur ‘sath’ donoan ka vachak hai tatha tattv ko janane vale mahapurushoan dvara un donoan ka vivechan karake jo yah nishchay kar lena hai ki jis vastu ka parivartan aur nash hota hai, jo sada nahian rahati, vah asath hai- arthath asath vastu ka vidyaman rahana sambhav nahian aur jisaka parivartan aur nash kisi bhi avastha mean kisi bhi nimitt se nahian hota, jo sada vidyaman rahati hai, vah sath hai- arthath sath ka kabhi abhav hota hi nahian- yah tattvadarshi purushoan dvara un donoan ka tattv dekha jana hai.
|