dasham adhyay
dando damayatamasmi nitirasmi jigishatamh .
maunan chaivasmi guhyanaan jnanan jnanavatamahamh.. 38 ..
maian daman karane valoan ka dand arthat daman karane ki shakti hooan, jitane ki ichchha valoan ki niti hooan, gupt rakhane yogy bhavoan ka rakshak maun hooan aur jnanavanoan ka tattvajnan maian hi hooan.. 38 ..
prashn- daman karane valoan ke dand ko apana svaroop batalane ka kya abhipray hai?
uttar- dand (daman karane ki shakti) dharm ka tyag karake adharm mean pravritt uchchhriankhal manushyoan ko papachar se rok kar satkarm mean pravritt karata hai. manushyoan ke man aur indriy adi bhi is daman-shakti ke dvara hi vash mean hokar bhagavanh ki prapti mean sahayak ban sakate haian. daman-shakti se samast prani apane-apane adhikar ka palan karate haian. isaliye jo bhi devata, raja aur shasak adi nyayapoorvak daman karane vale haian, un sabaki us daman-shakti ko bhagavanh ne apana svaroop batalaya hai.
prashn- vijay chahane valoan ki niti ko apana svaroop batalane ka kya abhipray hai?
uttar- ‘niti’ shabd yahaan nyay ka vachak hai. nyay se hi manushy ki sachchi vijay hoti hai. jis rajy mean niti nahian rahati, aniti ka bartav hone lagata hai vah rajy bhi shighr nasht ho jata hai atev niti arthath nyay vijay ka pradhan upay hai. isaliye vijay chahane valoan ki niti ko bhagavanh ne apana svaroop batalaya hai.
prashn- maun ko apana svaroop batalane ka kya bhav hai?
uttar- jitane bhi gupt rakhane yogy bhav haian, ve maun se (n bolane se) hi gupt rah sakate haian. bolana band kiye bina unaka gupt rakha jana kathin hai. is prakar gopaniy bhavoan ke rakshak maun ki pradhanata hone se maun ko bhagavanh ne apana svaroop batalaya hai.
prashn- yahaan ‘jnanavatamh’ pad kin jnaniyoan ka vachak hai? aur unake jnan ko apana svaroop batalane ka kya bhav hai?
uttar- ‘jnanavatam’ pad parabrahm paramatma ke svaroop ka sakshath kar lene vale yatharth jnaniyoan ka vachak hai. unaka jnan hi sarvottam jnan hai. isaliye usako bhagavanh ne paramatma ka svaroop batalaya hai. terahavean adhyay ke satrahavean shlok mean bhi bhagavanh ne apane ko jnanasvaroop batalaya hai.
|