ashtam adhyay
prashn- ‘sada tadbhavabhavitah’ se kya abhipray hai?
uttar- manushy antakal mean jis bhav ka smaran karata hua sharir tyag karata hai, vah usi bhav ko prapt hota hai- yah siddhant thik hai parantu antakal mean kis bhav ka smaran kyoan hota hai, yah batalane ke liye hi bhagavanh ‘sada tadbhavabhavitah’ kahate haian. arthath antakal mean prayah usi bhav ka smaran hota hai jis bhav se chitt sada bhavit hota hai. jaise vaidy log kisi aushadh mean bar-bar kisi ras ki bhavana de-dekar usako us ras se bhavit kar lete haian vaise hi poorvasanskar, sang, vatavaran, asakti, kamana, bhay aur adhyayan adi ke prabhav se manushy jis bhav ka bar-bar chintan karata hai, vah usi se bhavit ho jata hai. ‘sada’ shabd se bhagavanh ne nirantarata ka nirdesh kiya hai. abhipray yah hai ki jivan mean sada-sarvada bar-bar dirghakal tak jis bhav ka adhik chintan kiya jata hai usi ka dridh abhyas ho jata hai. yah dridh abhyas hi ‘sada tadbhav se bhavit’ hona hai aur yah niyam hai ki bhav ka dridh abhyas hota hai usi bhav ka antakal mean prayah anayas hi smaran hota hai.
prashn- kya sabhi ko antakal mean jivanabhar adhik chintan kiye hue bhav ka hi smaran hota hai?
uttar- adhikaansh ko to aisa hi hota hai. parantu kahian-kahian j d bharat ke chitt mean harin ke bachche ki bhavana ki bhaanti mrityu-samay ke samipavarti kal mean kiya hua alpakal ka chintan bhi purane abhyas ko dabakar dridharoop mean prakat ho jata hai aur usi ka smaran kara deta hai.
|