saptam adhyay
prashn- jo keval mujhako hi nirantar bhajate haian- is kathan ka kya bhav hai?
uttar- jo ekamatr bhagavanh ko hi apana param ashray, paramagati, param priy aur param prapy manate haian tatha sab kuchh bhagavanh ka ya bhagavanh ke hi liye hai- aisa samajhakar jo sharir, stri, putr, dhan, grih, kirti adi mean mamatv aur asakti ka tyag karake, un sabako bhagavanh ki pooja ki samagri banakar tatha bhagavanh ke rache hue vidhan mean sada santusht rahakar, bhagavanh ki ajna ke palan mean tatpar aur bhagavanh ke smaranaparayan hokar apane ko sab prakar se nirantar bhagavanh mean hi lagaye rakhate haian, ve hi purush nirantar bhagavanh ka bhajan karane vale samajhe jate haian. isi ka nam anany sharanagati hai. is prakar ke sharanagat bhakt hi maya se tarate haian.
prashn- maya se tarana kise kahate haian?
uttar- kary aur karanaroopa apara prakriti ka hi nam maya hai. mayapati parameshvar ke sharanagat hokar unaki kripa se is maya ke rahasy ko poornaroop se janakar isake sambandh se sarvatha chhoot jana aur mayatit parameshvar ko prapt kar lena hi maya se tarana hai.
|