dvitiy adhyay
krodhadbhavati sammohah sammohatsmritivibhramah.
smritibhranshadh buddhinasho buddhinashatpranashyati .. 63 ..
krodh se atyant moodhabhav utpann ho jata hai, moodh bhav se smriti mean bhram ho jata hai, smriti mean bhram ho jane se buddhi arthath jnanashakti ka nash ho jata hai aur buddhi ka nash ho jane se yah purush apani sthiti se gir jata hai .. 63 ..
prashn- krodh se utpann hone vale atyant moodhabhav ka kya svaroop hai?
uttar- jis samay manushy ke antahkaran mean krodh ki vritti jagrath hoti hai, us samay usake antahkaran mean vivekashakti ka atyant abhav ho jata hai. vah kuchh bhi aga-pichha nahian soch sakata; krodh ke vash mean hokar jis kary mean pravritt hota hai usake parinam ka usako kuchh bhi khyal nahian rahata. yahi krodh se utpann sammoh ka arthath atyant moodhabhav ka svaroop hai.
prashn- sammoh se utpann hone vale ‘smritivibhram’ ka kya svaroop hai?
uttar- jab krodh ke karan manushy ke antahkaran mean moodhabhav badh jata hai tab usaki smaranashakti bhramit ho jati hai, use yah dhyan nahian rahata ki kis manushy ke sath mera kya sambandh hai? mujhe kya karana chahiye? kya n karana chahiye? maianne amuk kary kis prakar karane ka nishchay kiya tha aur ab kya kar raha hooan isaliye pahale sochi-vichari huee batoan ko vah kam mean nahian la sakata, usaki smriti chhinn-bhinn ho jati hai. yahi sammoh se utpann hue smritivibhram ka svaroop hai.
prashn- smritivibhram se buddhi ka nasht ho jana aur us buddhi nash se manushy ka apani sthiti se gir jana kya hai?
uttar- uparyukt prakar se smriti mean vibhram hone se antahkaran mean kisi kartavy-akartavy ka nishchay karane ki shakti ka n rahana hi buddhi ka nasht ho jana hai. aisa hone se manushy apane kartavy ka tyag kar akartavy mean pravritt ho jata hai- usak vyavahar mean katuta, kathorata, kayarata, hiansa, pratihiansa, dinata, jadata aur moodhata adi dosh a jate haian. atev usaka patan ho jata hai, vah shighr hi apani pahale ki sthiti se niche gir jata hai aur marane ke bad nana prakar ki nich yoniyoan mean ya narak mean p data hai; yahi buddhi nash se usaka apani sthiti se gir jana hai.
|