|
pancham adhyay
prashn- yahaan dekhane-sunane adi ki sab kriyaean karate rahane par bhi maian kuchh bhi nahian karata, isaka kya bhav hai?
uttar- jaise svapn se jaga hua manushy samajhata hai ki svapnakal mean svapn ke sharir, man, pran aur indriyoan dvara mujhe jin kriyaoan ke hone ki pratiti hoti thi, vastav mean n to ve kriyaean hoti thian aur n mera unase kuchh bhi sambandh hi tha; vaise hi tattv ko samajhakar nirvikar akriy paramatma mean abhinnabhav se sthit rahane vale saankhyayogi ko bhi jnanendriy, karmendriy, pran aur man adi ke dvara lokadrishti se ki jane vali dekhane-sunane adi ki samast kriyaoan ke karate samay yahi samajhana chahiye ki ye sab mayamay man, pran aur indriy hi apane-apane mayamay vishayoan mean vichar rahe haian. vastav mean n to kuchh ho raha hai aur n mera inase kuchh sambandh hi hai.
prashn- tab to jo manushy rag-dvesh aur kam-krodhadi doshoan ke rahane par bhi apani manyata ke anusar saankhyayogi bane hue haian, ve bhi kah sakate haian ki hamare man-indriy ke dvara jo kuchh bhi bhali-buri kriyaean hoti haian, unase hamara kuchh bhi sambandh nahian hai. aisi avastha mean yatharth saankhyayogi ki pahachan kaise hogi?
uttar- kathanamatr se n to koee saankhyayogi hi ho sakata hai aur usaka karmoan se sambandh hi chhoot sakata hai. sachche aur vastavik saankhyayogi ke jnan mean to sampoorn prapanch svapn ki bhaanti mayamay hota hai, isaliye usaki kisi bhi vastu mean kianchith bhi asakti nahian rahati. usamean rag-dvesh ka sarvatha abhav ho jata hai aur kam, krodh, lobh, moh, ahankar adi dosh usamean jara bhi nahian rahate. aisi avastha mean nishiddhacharan ka koee bhi hetu n rahane ke karan usake vishuddh man aur indriyoan dvara jo bhi cheshtaean hoti haian, sab shastranukool aur lokahit ke liye hi hoti haian. vastavik saankhyayogi ki yahi pahachan hai. jab tak apane aandar rag-dvesh aur kam-krodhadi kuchh bhi astitv jan p de tab tak saankhyayog ke sadhak ko apane sadhan mean truti hi samajhani chahiye.
prashn- saankhyayogi sharir nirvah matr ke liye keval khan-pan adi avashyak kriya hi karata hai ya varnashramanusar shastranukool sabhi karm karata hai?
uttar- koee khas niyam nahian hai. varn, ashram, prakriti, prarabdh, sang aur abhyas ka bhed hone ke karan sabhi saankhyayogiyoan ke karm ek-se nahian hote. yahaan ‘pashyanh’, ‘shrrinvanh’, ‘sprishanh’, jighranh’, aur ‘ashnanh’- in paanch padoan se aankh, kan, tvacha, ghran aur rasana-in paanch jnanendriyoan ki samast kriyaean kram se batalayi gayi haian. ‘gachchhanh’, ‘grihrinh’ aur ‘pralapanh’ se pair, hath aur vani ki evan ‘visrijanh’ se upasth aur guda ki, is prakar paanchoan karmendriyoan ki kriyaean batalayi gayi haian. ‘shvasanh’ pad pran-apanadi paanchoan pranoan ki kriyaoan ka bodhak hai. vaise hi ‘unmishanh’, ‘nimishanh’ pad koorm adi paanchoan vayubhedoan ki kriyaoan ke bodhak haian aur ‘svapanh’ pad antahkaran ki kriyaoan ka bodhak hai. is prakar sampoorn indriy, pran aur antahkaran ki kriyaoan ka ullekh hone ke karan saankhyayogi ke dvara usake varn ashram, prakriti, prarabdh aur sang ke anusar sharir-nirvah tatha lokopakararth, shastranukool khan-pan, vyapar, upadesh, likhana, padhana, sunana, sochana adi sabhi kriyaean ho sakati haian.
|
|