|
shri shrichaitany-charitavali -prabhudatt brahmachari
137. mahaprabhu vallabhachary
mahaprabhu ka janm vaishakh krishnapaksh 11 sanvat 1535 (shake 1400)- mean ratri ke samay hua tha. paanch varsh ki avastha mean pita ne inaka yajnopavit-sanskar kiya. tabhi se ved-shastroan ki shiksha pane lage. jab ye gyarah varsh ke the tabhi inake poojy pita paralokavasi ho gaye. tab vidyasagar ki rajasabha mean panditoan se shastrarth karake vijay-labh kiya aur acharyapadavi prapt ki. vidyanagarake maharaj ki or se apaka atyadhik samman kiya gaya. isase inaki khyati door-door tak phail gayi. phir apane apane bahut-se anuyayiyoan ke sath vidyanagar se kanyakumari, pandharapur adi sthanoan ki yatra ki. pandharapur se a nasik, trayambak, narmadatat, oankareshvar, mahishmati, ujjaini, siddhavat, chaidyapur, datiya, gvaliyar, dhaulapur adi sthanoan mean apane pratipakshiyoan ko parast karate hue aur raj sabhaoan mean samman prapt karate hue mathura hokar gokul padhare. vahian apako bhakti marg ko prakat karane ke liye bhagavan ki ajna prapt huee aur svapn mean bhagavan ne inhean ek gadyatmak mantr ka upadesh kiya, jisake dvara jivoan ka brahm ke sath sambandh kiya jata hai. yahian par kuchh shishy apake sharana pann hue aur ap yahian rahakar shastrapranayan karate rahe. isake anantar apane sampoorn vraj ke tirthoanki yatra ki. phir ap bhakti ka prachar karane ke nimitt dakshin ki or gaye aur vahaan gujarat, kathiyava d tatha sindh ke anek prasiddh-prasiddh nagaroan mean jakar apane panditoan se shastrarth kiya aur bhaktimarg ka joroan se pratipadan kiya. vahaan inake pandity ki sarvatr khyati ho gayi aur, hajaroan sunar, bhatiya tatha dhani-mani purush inake shishy ho gaye. bheant-pooja bhi yathesht ane lagi aur gujarat tatha kathiyava d ke bhavuk logoan ne inaka b da hi bhari satkar kiya. dakshin ki yatra samapt karake apane uttar aur poorv disha ke tirthoan ki yatra ki.
kurukshetr, haridvar, rrishikesh, tihari, gangotri, kedaranath, badarinath adi uttar ke tirthoan mean hote hue phir lautakar haridvar a gaye ap naimisharany adi tirthoan mean darshan karate hue jagannath ji ke darshanoan ke liye gaye. jagannathaji se dakshinake path se mahendiparvat par parashuram ji ke darshan karate hue phir apane gram agrahar mean a gaye. kuchh kal agrahar mean rahakar achary ne doosari bar bharat-yatra karane ka vichar kiya. isaliye ap mangalaprasth vidyasagar, lohagadh hote hue pandhapur aye. pandhapur mean akar inhoanne bhagavan vitthalanath ji ke darshan kiye. ab tak ye dand, mekhala, jata, krishnajin adi sabhi brahmachariyoan ke chihnoan ko dharan karate the aur brahmachari vesh mean rahate the. yahian par bhagavan ne inhean vivah karane ki ajna di. inhoanne bhagavan ki ajna ko svikar kar liya. yahaan se phir ap gujarat-kathiyava d ki yatra karate hue aur apane shishy-sevakoan ko bhaktimarg ka upadesh karate hue pushkar hote hue vraj mean padhare. govardhan mean govardhananath ji (gopal ji)-ka prakaty hua tha. vahaan unaki seva-pooja mean inhoanne yog diya aur shri manmadhavendrapuri ji ko hi vahaan ki seva ka sampoorn bhar sauanpa. shri nath ji ki prerana se thakur pooranamal ne 1556 shri govardhan nath ji ka mandir banavana arambh kiya. vrajamandal se chalakar phir apane uttarake tirthoan ki yatra ki aur doosari bar phir jagannath ji ki yatra karake kashi ji mean akar rahane lage.
|
|