shri shrichaitany-charitavali -prabhudatt brahmachari29. digvijayi ka parabhav
mahamahim nimaee pandit brihaspati ke saman nirbhik hokar dhara-pravah gati se bolate jate the. sabhi darshakoan ke chehare se prasannata ki kiranean nikal rahi thian. digvijayi lajja ke karan sir nicha kiye hue chupachap baithe the. nimaee pandit ka ek-ek shabd une hriday mean shool ki bhaanti chubhata tha, usase ve man-hi-man vyathit hote jate the, kintu bahar se aisi cheshta karate the, jisase bhitar ki vyatha prakat n ho sake, kintu chehara to antahkaran ka darpan hai, us par to antahkaran ke bhavoan ka pratibimb p data hi hai. nimaee pandit ke chup ho jane par bhi digvijayi nicha sir kiye hue chupachap hi baithe rahe, unhoanne apane mukh se ek bhi shabd inake prativad mean nahian kaha. yah dekhakar vidyarthi tali pitakar hansane lage. gunagrahi nimaee pandit ne daantakar unhean aisa karane se nishedh kiya. digvijayi ko lajjit aur khinn dekhakar ap namrata ke sath kahane lage- ‘hamane bal-chapaly ke karan ye batean kah di haian. ap inako kuchh bura n manean. ham to apake shishy tatha putr ke saman haian. ab bahut ratri vyatit ho gayi hai, apako bhi nityakarm ke liye der ho rahi hogi. hamean bhi apane-apane ghar jana hai. ab ap padharean. kal phir darshan hoange. apake kavy ko sunakar ham sab logoan ko b di prasannata huee. rahi gun-dosh ki bat, so srishti ki koee bhi vastu dosh se khali nahian hai. gun-doshoan ke sammishran se hi to is srishti ki utpatti huee hai. kalidas, bhavabhooti, jayadev adi mahakaviyoan ke kavyoan mean bhi bahut-se dosh dekhe jate haian. yah to kuchh bat nahian hai, dosh hi n hoan, to phir gunoan ke mahattv ko kaun samajhe? achchha to ajna dijiye’ yah kahakar sabase pahale nimaee pandit hi uth baithe. inake uthate hi sabhi chhatr bhi ek sath hi uth khade़ hue. sarvasv ganvaye hue vyapari ki bhaanti nirasha ke bhav se digvijayi bhi uth khade़ hue aur dhire-dhire udas-man se apane dere ki or chale gaye. idhar nimaee pandit nity ki bhaanti hansate-khelate aur chauk di lagate shishyoan ke sath apane sthan ko chale gaye. |
tika tippani aur sandarbh
sanbandhit lekh
kram sankhya | vishay | prishth sankhya |