dasham adhyay
sambandh- bhagavanh ke prabhav aur vibhootiyoan ke jnan ka phal avichal bhaktiyog ki prapti batalayi gayi, ab do shlokoan mean us bhaktiyog ki prapti ka kram batalate haian-
ahan sarvasy prabhavo matt: sarvan pravartate .
iti matva bhajante maan budha bhavasamanvita:.. 8 ..
maian vasudev hi sampoorn jagat ki utpatti ka karan hooan aur mujhase hi sab jagat cheshta karata hai- is prakar samajhakar shraddha aur bhakti se yukt buddhiman bhaktajan mujh parameshvar ko nirantar bhajate haian.. 8 ..
prashn- bhagavanh ko sampoorn jagath ka ‘prabhav’ samajhana kya hai?
uttar- sampoorn jagath bhagavanh se hi utpann hai, atah bhagavanh hi samast jagath ke upadan aur nimitt karan haian; isaliye bhagavanh hi sarvottam haian, yah samajhana bhagavanh ko samast jagath ka prabhav samajhana hai.
prashn- sampoorn jagath bhagavanh se hi cheshta karata hai- yah samajhana kya hai?
uttar- bhagavanh ke hi yogabal se yah srishti chakr chal raha hai; unhian ki shasan-shakti se soory, chandrama, taragan aur prithvi adi niyamapoorvak ghoom rahe haian; unhian ke shasan se samast prani apane-apane karmanusar achchhi-buri yoniyoan mean janm dharan karake apane-apane karmoan ka phal bhog rahe haian- is prakar se bhagavanh ko sabaka niyanta aur pravartak samajhana hi ‘sampoorn jagath bhagavanh se cheshta karata hai’ yah samajhana hai.
prashn- ‘bhavasamanvitaah’ visheshan ke sahit ‘budhaah’ pad kaise bhaktoan ka vachak hai?
uttar- jo bhagavanh ke atishay prem se yukt haian, bhagavanh mean jinaki atal shraddha hai, jo bhagavanh ke gun aur prabhav ko bhalibhaanti vishvasapoorvak samajhate haian- bhagavanh ke un buddhiman bhaktoan ka vachak ‘bhavasamanvitaah’ visheshan ke sahit ‘budhaah’ pad hai.
prashn- uparyukt prakar se samajhakar bhagavanh ko bhajana kya hai?
uttar- uparyukt prakar se bhagavanh ko sampoorn jagath ka karta harta aur prarvatak samajhakar agale shlok mean kahe hue prakar se atishay shraddha or premapoorvak man, buddhi aur samast indriyoan dvara nirantar bhagavanh ka smaran aur sevan karana hi bhagavanh ko bhajana hai.
|